【投資有道】「鬼王」潘紹聰換樓勁賺732萬 入市換樓心得話你知

有「鬼王」之稱的網上電台靈異節目主持人潘紹聰，近日被爆原來投資有道，在社會氣氛低沉及市道不景氣的情況下成功換樓。2016年6月他斥資2,468萬港元買入太子百匯軒頂層B室特色戶，實用面積1,634方呎，事隔短短3年，他最近以3,200萬港元沽出，實用呎價為19,584港元，帳面勁賺732萬元，升幅3成。

相關新聞：【明星愛磚頭】陳豪為仔女放租別墅進駐港島 歌王月使廿萬豪租半山唔眨眼

潘紹聰接受《晴報》電話訪問時，表示一向鍾意換樓，不會投放好多感情在同一物業上，一半視作自住、一半視作投資。他表示：「住咗3年，SSD（額外印花稅Special Stamp Duty）又完，我就試去估價，結果估價3,400萬，依家成交係比估價低少少，不過有人畀到呢個價已經好開心。我本身係由發展商直接買入呢個單位，有個幾好嘅優惠，所以叫做賺多咗啦！」潘紹聰表示現時正物色位於啟德新發展區的新樓，方便工作之餘又看中該區的升值潛力。

潘紹聰表示自己2003年開始上車入市，經過幾次樓換樓之後，慢慢儲到較大數額的首期，以他16年的投資經驗而言，潘紹聰有2項心得同大家分享。潘紹聰認為樓價不會大幅度下跌，他說：「由地皮開始就貴，人工又貴，物價又上漲，新樓樓價就算跌都有一定限度，新界樓除外。只要搵啱發展區，就會有升值潛力。」

如果大家想以樓換樓的方式投資的話，潘紹聰的貼士是不要中間轉為租樓，他說：「好多人放咗樓出嚟，就諗住租住樓先，睇個樓價回返先再買。我覺得千祈唔好，因為你唔知佢幾時跌，好容易坐吓坐吓又入唔返個市。所以我一直都冇租樓，換樓就係直接買入。」

相關新聞：【御用腌尖外母】馬海倫原來係娛樂圈隱形富婆 成功上車靠一個人教路

對於年輕人比較難「上車」置業，潘紹聰說：「成日都有新盤係納米樓，我覺得上車而言係可以考慮，不過就要睇準有發展潛力嘅地區，不遠嘅新界冷門區，可能到時到價要放都要等機會放。點都上咗車先，慢慢再樓換樓賺個差價，滾大個首期。」