《愛回家》龔燁被大隻教練追求嚇親水水 陳偉洪：「我同送水輝一齊瞓添」

《愛回家之開心速遞》昨晚（13日）播出第708集「誰中途轉『gay』了？」，講述「龔燁」（張景淳飾）與朋友夾份投資健身室，想找星級健身教練「Dicky」（陳偉洪飾）駐場，望吸引更多客人，沒想到女友「熊若水」（呂慧儀飾）偷聽到Dicky向朋友表示自己愛上龔燁，更為他而放棄大型健身室的合約，搞到水水好擔心龔燁會轉Gay，一見Dicky為龔燁按摩就即時大動肝火阻止，後來更與對方談判，才發現Dicky鍾意的人原來是水水而非龔燁，場面非常尷尬。

相關新聞：呂慧儀與張景淳再被指上門過夜 《愛回家》撻著？當事人IG有蛛絲馬跡

{{hket:inline-image name="CALVIN3.jpg"}}{{/hket:inline-image}}

(圖片：《愛回家之開心速遞》電視截圖)

{{hket:inline-image name="CALVIN5.jpg"}}{{/hket:inline-image}}

(圖片：《愛回家之開心速遞》電視截圖)

{{hket:inline-image name="CALVIN1.jpg"}}{{/hket:inline-image}}

(圖片：《愛回家之開心速遞》電視截圖)

{{hket:inline-image name="CALVIN2.jpg"}}{{/hket:inline-image}}

(圖片：《愛回家之開心速遞》電視截圖)

網友大讚今集龔燁同水水甜蜜又搞笑，更投入到請求現實中的呂慧儀和張景淳兩人公開認愛。今集陳偉洪客串演出，成為兩人的第三者，他接受《晴報》電話訪問時表示：「平時我比較少出演處境劇，感覺幾新鮮，一入嚟就介入『龔水CP』真係有壓力，因為佢兩個好受歡迎，好怕出嚟觀眾會有反應，不過好在身邊朋友睇完都覺得幾搞笑，希望大家鍾意，我間唔中可以出嚟搞吓事啦！」他表示跟劇組入面的「送水輝」許家傑最熟絡，笑言：「我哋真係Friend過打Band，由一齊選『香港先生』已經瞓埋同一間房。我一直視佢為哥哥，佢嘅勤力係有目共睹，我會以佢為榜樣。今次冇機會同場，希望之後有機會啦！」

{{hket:inline-image name="CALVIN6.jpg"}}{{/hket:inline-image}}

(圖片：《愛回家之開心速遞》電視截圖)

{{hket:inline-image name="58410660_589489198215464_5803492137453646028_n.jpg"}}{{/hket:inline-image}}

(圖片：許家傑IG )

陳偉洪在2009年參加香港先生選舉，當時只有18歲的他獲少年組冠軍，總名次就敗在許家傑手上。同年他簽約成為藝人，並參與藝員訓練班，憑劇集《點解阿Sir係阿Sir》飾演「蔣進」一角人氣急升。今年9月陳偉洪瘋狂操弗參與健美先生活動，沒想到獲監製賞識，在《愛回家》中有機會客串，他說：「其實選完之後我都放縱咗一段時間，依家體重多咗10幾磅，惟有自己控制飲食，食清少少保持住個身形。」

陳偉洪除了在《解決師》中客串做被殺的臥底，現時亦正拍攝《逆天奇案》飾演O記警察，跟黃智賢、陳展鵬和趙璧渝有不少對手戲，台慶和「歡樂滿東華」他都有份演出，他說：「好感恩有呢啲機會，希望自己愈來愈好！」

相關新聞：《愛回家》熊心如失蹤成個月掛死網民 正式歸位熊家 到底去咗邊？

{{hket:inline-image name="69133377_2510341729020817_4414093833750607236_n.jpg"}}{{/hket:inline-image}}

(圖片：陳偉洪IG）

{{hket:inline-image name="69552936_606778576395523_7017872709910616061_n.jpg"}}{{/hket:inline-image}}

(圖片：陳偉洪IG）

{{hket:inline-image name="14676703_1671532226490495_7014967988612759552_n.jpg"}}{{/hket:inline-image}}

(圖片：陳偉洪IG）

撰文：楊安莉