【牛下女高音】韋家雄一鋪清袋再翻身做老闆？ 曾遭冷待心灰仍願為拍劇犧牲

黃心穎近日終於在社交平台「蒲頭」，聲稱曾憂慮影響《牛下女高音》播出，惟網民紛紛留言鬧爆，有人就話套劇可以繼續播出全靠一班中佬撐場。講起中佬，現年54歲的韋家雄日前接受商台節目《1圈圈》訪問，分享自己入行後的辛酸經歷。

相關新聞：韋家雄曾做童工欠下巨債 捱足30年終獲肯定

{{hket:inline-image name="SAM_2083.JPG"}}{{/hket:inline-image}}

(圖片：TVB《牛下女高音》劇照)

{{hket:inline-image name="YUS_7864.JPG"}}{{/hket:inline-image}}

(圖片：TVB《牛下女高音》劇照)

坦言為拍劇捱到無得瞓

韋家雄入行前曾做過賣點心麵包、廣告攝影師。1989年，韋家雄報讀亞視藝員訓練班入行，1995年轉投TVB，拍攝《真情》大力仔一角令他為人認識，直至《梟雄》麥瀚林一角奪得「最佳男配角」。

韋家雄多年來默默耕耘，終於吸引到比自己年輕20年的Keynes，不過阮兆祥問到新婚生活時，他就表示因為拍《木棘証人》搞到沒有時間理會老婆，雖然戲份不重，但時間長到太誇張，有心理準備要捱夜都被嚇怕：「我已經忙到冇時間留意佢，啱啱拍完嗰部劇我又再重現返60個鐘頭冇得瞓，瞓4個鐘頭再60個鐘頭冇得瞓...我冇得唔博，我冇得選擇，係咪想我第一個被Rundown殺死？公司通告一殺埋嚟就避都冇得避。」連阮兆祥都大感愕然，韋家雄續說：「平時最多1、2日，但成個禮拜連續係咁，好耐未試過，Roll緊機都瞓着覺。其他演員喺度做緊，我就瞓着。得2句要等前面講晒，到我講已經瞓着咗。」

{{hket:inline-image name="0eff4dc6-5536-48a1-b9f5-455cb2b29a31.jpg"}}{{/hket:inline-image}}

(TVB電視截圖）

{{hket:inline-image name="8df59016-acd5-4490-b151-916d962036e4.jpg"}}{{/hket:inline-image}}

(TVB電視截圖）

至於被問到多年來有沒有受過冷言冷語，韋家雄坦言有，但會繼續做：「呢個圈咩人都有，必定有經歷過。有啲你同佢打招呼，佢唔應你，初期都會唔開心。有啲人可能有眼疾，我經歷過喺𨋢入面同人講早晨，佢冇反應，感覺上係你叫我做咩呀？嗰個監製嚟。好尷尬呀，佢仲同隔籬嗰個打招呼。」

但不說不知道，原來韋家雄有個猛料哥哥韋家輝，是TVB神劇《大時代》編審兼監製，自離開TVB後多與杜琪峯合作，一直都是票房保證，而他就大讚弟弟好有骨氣：「好多人靠關係上位，但家雄係一個好用心嘅演員，劉青雲都話佢做戲好，佢應該要獲得更多嘅肯定。家雄好有骨氣，一直冇求過我！」因為韋家雄不想靠關係，所以兩兄弟多年都沒有合作過，證明韋家雄轉戰電影是依靠實力。

相關新聞：【白色強人】離婚獨自湊大仔被嫌 歷三大低潮 韋家雄曾阻港鐵阿叔偷拍女乘客

{{hket:inline-image name="cddc9134-8f9f-4e79-9c44-7927cb2417b1.jpg"}}{{/hket:inline-image}}

(東星娛樂）

被冷待心灰做老闆

雖然入行30年成績有目共睹，不過韋家雄曾經在接受傳媒訪問時坦言：「TVB份糧未夠我食2餐...一時演有名有姓嘅角色，一時又叫我行行企企，我厭倦咗。TVB只重用自己偏愛嘅演員，你唔係親生仔就連節目做訪問都費事訪問你，試問點會唔心灰意冷。」所以儘管經歷過3次生意失敗，一鋪清袋，韋家雄都不怕，開設電腦特效公司做老闆，初步為廣告、劇集做後期製作，長遠計劃是開拍屬於自己的網絡電影。

撰文：張芷晴