林子博為患癌妻養家「捱不下去」 獲劉德華雪中送炭 一種偏方救命

今年4月，林子博老婆董燕君證患上罕見癌症「平滑肌肉瘤（腹腔）」第4期，癌細胞已擴散到不同器官。可惜禍不單行，加入TVB 11年的林子博上月尾不獲續約，即變相被「炒魷魚」，令他心理與經濟壓力俱增。近日林子博接受商業電台《1圈圈 星光背後》訪問剖白心情。

身兼多職壓力爆煲感內疚 避免思考被炒原因

林子博接受訪問時透露，老婆不幸患癌後他曾感壓力大、不開心。第1次是因為一家4口的生活開支、醫藥費、買餸、煮早晚餐、照顧老婆、帶仔女返學放學的責任，全落在他身上。長期半夜入睡，睡眠不足，令他喘不過氣：「有段時間個人好空洞，太太叫我幫佢打白血球針，我發吽逗，佢喊住問：『係咪覺得我好煩？』」

第2次是老婆患癌要注重飲食，但林子博太忙，想以最快方法煮早餐：「我買咗大堆腸仔、火腿返屋企，佢唔領情仲鬧我，覺得好唔健康，唔想我煮。我嗰陣覺得捱唔到落去，忍唔住發脾氣︰『我頂唔順，好攰喇﹗』最後老婆安慰我：『對唔住』，我好內疚，點解唔控制情緒。所以我壓力爆煲就揸電單車或做腳底按摩，處理好情緒先返屋企。」

相關新聞：面對太太患癌再失業雙重打擊 林子博「我相信世界是正面的」

{{hket:inline-image name="12.jpg"}}{{/hket:inline-image}}

(《晴報》相片)

可就在這個最艱難時期，林子博突然不獲續約，問到他可想過被炒原因，他說︰「我諗只會有更多負能量，甚至將負能量帶返屋企。所以我唔會再諗呢件事，只會諗點解決屋企問題。」至於問到他有沒有仇恨TVB，他就話：「好多人問我有冇嬲TVB，見到太太化療辛苦嘔吐，我係會問：『TVB點解呢刻搞我哋呢？畀我捱過呢個階段先得唔得？』不過太太沒事嗰陣，我又沒事。」

相關新聞：林子博伴妻力抗罕見癌症 突遭無綫炒魷魚前路茫茫

化療費用高昂試偏方 劉德華介紹大陸醫生用標靶藥

為控制老婆病情，林子博安排她入院進行化療、電療。他坦言到外國求醫費用是天文數字，即使留港到私家醫院接受2次化療也要花費20萬元。雖然老婆後來轉到公立醫院，惟化療只可做到12月，接受第3次化療後就完成整個療程。林子博擔心老婆，尋遍各地安排她接受偏方治療，他說︰「之後點算？唔可以再做化療，但身體仲有腫瘤咪好大件事？我帶佢睇神醫，買健康食品、幹細胞，咩都要試。嗰啲都好貴，一個月幾萬蚊。」

昨日（27日），林子博帶同老婆及一對仔女出席動畫首映，他表示特意帶老婆出來透氣，免得她經常躲在家中。他又透露劉德華介紹了一位私家醫生給他們，表示有標靶藥適合老婆，但在香港沒有，要到大陸買，故要到深圳醫院相約教授見面及聽取意見。林子博直言標靶藥費不便宜，預計每月要花幾萬元。雖然經濟壓力大，不過他間中都有做司儀、拍劇、活動主持等，只是最近很多工作取消或改期。

▼最新相片

{{hket:inline-image name="11.jpg"}}{{/hket:inline-image}}

(《晴報》相片)

撰文：張芷晴