《金宵大廈》自播出以來，口碑非常不錯，特別是每個單元都有不同演員參與，部分綠葉或小配角的演技更令人眼前一亮。而在《金丁》單元裡，除了「金丁」Iron Man（陸永飾）和舊愛Carmen（譚凱琪飾）外，亦見到熟悉的面孔，就是「送水輝」許家傑。劇中他飾演富家公子力追Carmen，更發揮「大隻佬」嘅臂彎，在鬧市中抱起Carmen，不少網友見到都非常驚喜，事關許家傑3線劇都有演出：《愛回家》入面的送水輝；《街坊財爺》中的黑社會頭目左右手；以及《金宵大廈》入面的富家公子，3個截然不同的角色和性格。
許家傑在《金宵大廈》客串演出。(圖片：TVB《金宵大廈》劇照)
許家傑接受《晴報》訪問時表示：「其實真係冇諗過咁啱3個劇疊埋一齊，特別係《金宵大廈》我只係客串一集，不過好開心係今次演一個富家公子，主動追求劇入面嘅譚凱琪，『送水輝』終於有錢喇，不過帶唔到啲富貴榮華去《愛回家》娶大小姐囉！哈哈！」
而在《街坊財爺》中，家傑飾演「戴金仔」（鄭則仕飾）的左右手「宗哥」，臉上有刀疤，經常為老大擋刀擋劍，除了跟劇中的吳業坤是好兄弟之餘，他跟馬海倫的母子情亦是笑中有淚非常溫馨，家傑表示合作得非常開心，前輩馬海倫教他很多演戲上的事，他說：「Helen姐之前有好多視帝做過佢個仔，今次我有福喇！」
相關新聞：《愛回家》大小姐放棄榮華拒嫁Jacky 拖實送水輝見爸爸
嘩，成日着背心，許家傑可以大騷佢嘅老鼠仔。(圖片：TVB《街坊財爺》劇照)
劇中家傑同馬凱倫演兩母子，感情深厚。(圖片：TVB《街坊財爺》劇照)
與吳業坤的手足情。(圖片：TVB《街坊財爺》劇照)
家傑過往在多個劇集都有擔綱演出，如《兄弟》中的「Double」，演技備受觀眾讚賞，家傑說：「真係好開心，好多監製賞識畀機會我，好幾部劇集都有機會發揮，我自己好珍惜每次演出機會，雖然有時騎住2個劇會好辛苦，因為《愛回家》檔期都幾密，有時接埋其他劇真係瞓都冇得瞓，但呢個係好好嘅機會畀我去嘗試唔同嘅角色，所以我好努力去睇劇本，盡力演到最好。」他表示現時會抽空上堂，學習唱歌、演戲、講對白等的技巧，希望可以更進一步增值自己。
相關新聞：《街坊財爺》由龍家闊太變中性跟班 樊亦敏率先劇透角色感情線
大小姐為了愛情放棄麵包，離開Jacky。(圖片：《愛回家之開心速遞》電視截圖）
這對苦命鴛鴦終於可以在一起，不過就要捱麵包。(圖片：《愛回家之開心速遞》電視截圖）
如果送水輝變有錢佬，咁Philip仔就可以叫Linda做媽媽喇！（圖片：梁禹勤IG）
撰文：楊安莉