《金宵大廈》李施嬅點解成身水？ 八個驚人線索暗示前世今生悲劇

《金宵大廈》最新一集講述阿蕭（陳山聰飾演）終於得知Alex（李施嬅飾演）為跟他看流星雨而調更，登上失聯客機，從而發覺Alex已不是人的事實。本來阿蕭想當無事發生，如常帶Alex到天台拍拖，但當他輕吻Alex額頭時，她卻突然化成灰燼消失。究竟發生甚麼事？

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="23.jpg"}}{{/hket:inline-image}}

(TVB電視截圖)

李施嬅點解成身水？

大家有細心留意，就會發現「水」是Alex能於前世今生不斷穿梭的最重要元素，前世Coco被狗強（李家聲飾演）要脅時，狗強已講出答案：「女人係水造嘅，梗係留喺水箱啦！」。例如今生Alex失聯前撥出只有水聲的神秘電話；Alex行過走廊留下水路；Alex的行李箱漏水等。上集阿蕭與Alex搭𨋢， Alex無緣無故被水珠滴到臉上，出𨋢後又突然失蹤，然後鏡頭一轉回到60年代，前世Coco在床上醒來。而今集Alex以空姐打扮突然回來時，地下亦留有水漬。去到阿蕭在天台攬住Alex，邊流淚邊說：「對唔住！係我害咗你。」，她又突然消失。

{{hket:inline-image name="20.jpg"}}{{/hket:inline-image}}

(TVB電視截圖)

編審羅佩清接受傳媒訪問時證實「水」是他們前世今生互通的關鍵：「水確係關鍵線索，關乎男女主角2世嘅命運。」她指傳說水是通靈媒介，又指之後會有更多水的隱喻場面，包括水管爆裂、書店有水湧出，觀眾會見到Alex濕透，阿蕭都會面對一樣情況，一齊開發新地點，解開謎團。有網民就話可以用動畫《你的名字》解釋：「喺《你的名字》每次一到暮光之時，身份就會對調，口嚼酒就係靈魂互換嘅媒介，咁啱林老師間書店名叫Twilight，就叮一聲諗起。」

{{hket:inline-image name="21.jpg"}}{{/hket:inline-image}}

(TVB電視截圖)

8個線索暗示前世今生互通 注定無好下場？

雖然Alex可透過「水」連接前世今生，連李施嬅接受《東張西望》訪問時都證實Alex能與Coco互通：「佢唔可以穿橋，唔係實體嘅人類；佢有Alex嘅思想同感情，又唔係虛擬人物... 佢係個可穿越時空嘅能量體。」，不過Alex始於不能改變悲劇發生。事關Coco與阿蕭夢到的事都有一一應驗，例如Coco玩著飛機模型夢想自己做空姐，免費坐飛機周圍去，劉旭輝（陳山聰飾演）就是大廈保安，兩人更相約看流星雨，在沙灘上親熱，這正正是他們今生遇到的事；後來連追殺Coco和旭輝的雄哥（何啟南飾演）手下都與Alex遇到的賊人一樣死法，分別被老鼠咬死、被水晶吊燈砸死、墮樓死...這表示前世與今生互通。

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="22.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

根據編劇羅佩清所說：「旭輝同Coco都死咗，否則唔會有下世。」，再回想起第2集阿蕭追逐賊人時，腦中閃過前世被雄哥開槍射傷，與Coco逃到碼頭的畫面，即代表悲劇結局注定無法改寫...那麼今生Alex與阿蕭可以逃出宿命嗎？

{{hket:inline-image name="19.jpg"}}{{/hket:inline-image}}

(TVB電視截圖)

撰文：張芷晴