【金宵大廈】暖男博思演「變態」偷窺狂 馬貫東幾時返《愛回家》？

無綫劇集《金宵大廈》自播出後反應極好，不少網民都話為咗呢套劇而開電視。劇集暫時播放了3個單元，大家幾乎都有讚無彈，一眾演員都非常鼓舞。今晚（24日）將會展開第4個單元故事《鴉烏》，相信又會掀起另一番緊張高潮。在《金宵大廈》宣傳活動上，馬貫東以一身疑似《星球大戰》的造型示人，他透露將會與「砵仔糕星人」大戰，到底個單元故事講咩㗎呢？

馬貫東接受《晴報》訪問時表示：「我喺第6個單元故事會出現，預計下星期會出，故事係圍繞我同歐陽巧瑩，佢角色叫Baby Mia，係一個網紅，不過2集故事入面，我同佢都冇咩對手戲，加埋唔夠20句對話嘅對白。」阿東透露劇中他跟巧瑩是鄰居，隔住2間屋的牆壁上有一個窿，阿東就經常透過個窿偷窺對方，他說：「我一路拍都有少少驚大家會覺得我好變態，其實角色上我係網絡打手，透過網上欺凌其他人，去紓解自己嘅壓力，而且我最睇唔起好假嘅人，所以好鍾意上網打好多字去攻擊佢哋。有一日Baby Mia直播期間跌咗個砵仔糕（胸墊）出嚟，咁我就即刻去攻擊佢！」他直言單元劇入面沒有鬼的出現，但同樣充滿靈異氣氛，因阿東會扮鬼嚇Baby Mia。

相關新聞：《愛回家》2分鐘新片洩露秘密 細龍太 博士 七大失蹤角色回歸？

{{hket:inline-image name="TUNGSTAR6206188.jpg"}}{{/hket:inline-image}}

（圖片：東星娛樂）

{{hket:inline-image name="0c97a31d-087d-4679-afd0-15932903113f.jpg"}}{{/hket:inline-image}}

（圖片：TVB《金宵大廈》劇照)

{{hket:inline-image name="6a575653-455a-474e-8d04-3e05965871ed.jpg"}}{{/hket:inline-image}}

（圖片：TVB《金宵大廈》劇照)

{{hket:inline-image name="7e1f5d6d-574d-45ee-9422-790539098813.jpg"}}{{/hket:inline-image}}

（圖片：TVB《金宵大廈》劇照)

馬貫東透露拍攝《金宵大廈》時他仍是《愛回家之開心速遞》的一員，近日有不少網友追問他何時回歸？阿東說：「暫時未有（歸期），因為嚟緊開2個劇，其實拍處境劇同正劇好大分別，最初我都要適應，因為同對手要花時間去熟絡，依家都慢慢可以適應到。」阿東透露接拍了《致所有愛過的人》、《愛美麗狂想曲》，快將開拍《逆天奇案》，他笑言：「《愛美麗狂想曲》入面我又係演癲癲喪喪嘅男人，（怕唔怕被定型？）唔怕，由暖男到依家有啲喪喪哋，好唔同嘅感覺。」對於網友紛紛請求他返《愛回家》，與Mandy（謝㺭圻（前名：謝芷倫）飾）再續前緣，結埋未結的婚，阿東說：「我都好想返去，大家都期待下先啦！（有機會嘅？）從來冇講過冇機會，只係撞期啫。」

相關新聞：熊樹仁大爆有討厭鬼加盟《愛回家》 莫非係......

{{hket:inline-image name="TUNGSTAR6206189.jpg"}}{{/hket:inline-image}}

（圖片：東星娛樂）

{{hket:inline-image name="31702784_249080625651606_3278468246365274112_n.jpg"}}{{/hket:inline-image}}

(圖片：謝㺭圻IG)

撰文：楊安莉