玩具、音響、手表同靚車，根據小編一位朋友嘅說法，每個成功男人都總會好其中一瓣。而天王郭富城出名愛車，可以話係城中公認嘅「車癡」，珍藏唔少名車嘅佢擁有多部價值不菲的特別版超跑，唔貴都唔買！如果話車仔等如老婆仔嘅話，城城真係係有N咁多個老婆仔！
（東星娛樂）
不過郭富城都唔係一嚟就揸名車，佢話自己20歲時唔係有好多錢，佢買入嘅第一架車係二手豐田，當時只係用咗1萬蚊港紙。
城城對法拉利嘅情意結始於F50。九十年代末，城城去意大利拍專輯封面，參觀法拉利工廠，第一次親眼見到F50。隨後喺羅馬，他又再次看到了F50，係由一位六、七十歲嘅老伯伯駕駛。城城想像自己老咗之後都可以好似老伯伯咁揸住F50風馳電掣，買F50就成為咗佢嘅夢想。一兩年後，F50喺香港推出，但僅限於已經購買兩架法拉利客戶，所以佢當時一口氣買咗3架車，先可以得到佢嘅Dream Car。
▼ 法拉利Enzo Ferrari
城城於2005年以511萬港元購入全球限量399部的火紅色法拉利Enzo Ferrari跑車，車主要擁有3部以上嘅法拉利先有資格購買！
▲城城曾動用愛車拍歌曲《I am Aaron Kwok 》MV。（MV截圖）
▼法拉利599 GTB Fiorano
▲2008年城城一擲400萬港元購入法拉利599 GTB Fiorano火紅色跑車。（官方圖方）
▼特別版599GTO火紅法拉利約600萬元
▲城城經常被「街坊」見到以599GTO代步。（官方圖方）
▼法拉利F430 SPIDER F1
城城以約400萬港元購入紅色法拉利F430 SPIDER F1限量版跑車，並掛上「SKY」車牌。
▼林寶堅尼Aventador LP700-4 Roadster
▲城城49歲生日時入手全球只得一架的限量版林寶堅尼Aventador LP700-4 Roadster作為送畀自己嘅禮物。車廠更特意為「城嫂」調製顏色「Aaron color tone」成為城城的專屬顏色外，城城當時更為「城嫂」賜予以25萬港元投得的「AAR0N」車牌。（郭富城微博）
▼ 林寶堅尼Gallardo Coupe
城城嘅珍藏名車之一，價值逾200萬元嘅林寶堅尼Gallardo Coupe。城城入手時車身係炭灰色，近年將車身噴成黑色。
▲城城曾揸佢去出席好友婚禮！（東星娛樂）
▼Pagani Zonda F（幽靈之子）
城城於2006年以連稅約1,000萬港元購入全球只得25部嘅黑色意大利跑車Pagani Zonda F（幽靈之子），成為首位購入的亞洲超級車主。
▲城城不時幫愛車影寫真，仲為愛車配上型仔車牌「K1NG」。（郭富城微博）
▼法拉利FXX K
2016年郭富城入手全球限量25輛的法拉利終極性能馬王FXX K，夢幻指數超越幽靈之子！
▲郭富城同法拉利大中華區CEO Matteo嘅合照，2人一同揭開法拉利FXX K。（郭富城微博）
法拉利FXX K身價高達二千二百萬港幣，全世界僅25位最頂尖的法拉利車主有資格，曾買3輛全新法拉利嘅車主先具備購買FXX K嘅排隊資格，真係有錢都買唔到！FXX K係城城嘅夢想號，因為好有收藏價值，係一件藝術品，都係投資。
城城係法拉利嘅超級特許客戶，佢應品牌總裁邀請，去上海攞車同試車。仲為佢配上1號車牌，型到裂呀！（郭富城微博）