遇到好的外傭姐姐固然十分幸運，因此勤勞的外傭更值得大家尊重及善待！港媽Joey日前在網上發帖讚揚家中外傭姐姐，指女兒發燒入院，姐姐竟自動請纓接力到醫院過夜照顧女兒，令她十分感動。Joey接受《晴報》訪問時表示，十分感恩請到好姐姐，認為最重要的是互相尊重，「會當佢係一家人，小朋友會話佢屋企有爸爸、媽媽、姐姐、狗狗同佢。」
Joey十分感恩請到愛錫女兒的好姐姐。（受訪者提供）
Joey透露今次是首次聘請外傭，坦言決定聘用前都曾感到忐忑，「請之前睇過好多外傭唔好嘅信息，所以都好擔心」，但「好好彩」遇到好姐姐。姐姐除了工作勤奮外，亦十分愛錫小朋友及家中小狗。有一次，2歲半的女兒不慎鯁到魚骨狂咳，姐姐立即從廚房衝出來抱著她，並把她放到大腿上拍背，
「當時佢好緊張，仲快過我！」
姐姐十分愛錫小朋友，盡顯耐性及溫柔。（受訪者提供）
Joey又笑言，姐姐甚至是「太錫小朋友」，當女兒生病時要去診所，「姐姐會抱起佢，話『佢病呀，唔使行』」。而女兒亦感受到姐姐的愛錫，當她責罵女兒時，「小朋友會即刻搵姐姐救命」；女兒去迪士尼樂園遊玩時，都不忘買禮物回家送給姐姐。至於家中小狗亦知姐姐愛錫牠，
「狗狗會蝦姐姐，但姐姐放假時，佢會瞓喺門口等姐姐返嚟。」
姐姐愛屋及烏，小僱主朋友仔來訪時，會陪她們玩耍。（受訪者提供）
燒烤時，姐姐準備了大量食物並用心排列。（受訪者提供）
雖然有指「你對人好，人哋未必對你好」，但Joey及家人都當姐姐是一家人，其父母甚至會封生日利是給姐姐，「小朋友會話佢屋企有爸爸、媽媽、姐姐、狗狗同佢」。Joey表示，由於姐姐太好，令她十分感動，因此平時都會「氹」對方開心，「出糧出多啲，會買嘢畀佢」。而姐姐亦「愛心爆棚」，不時叫Joey「生多兩個」讓她來湊。
Joey的女兒亦應感受到姐姐的愛錫。（受訪者提供）
本月初為姐姐的生日，Joey甚至偷偷買來蛋糕為對方慶祝，「喺佢清潔緊嗰時，由小朋友唱生日歌」。由於姐姐來自菲律賓馬尼拉偏遠的鄉下地方，生活較為窮困，因此這是她人生中第一個生日蛋糕。平日「怕怕羞羞」的姐姐十分感動，事後傳信息給Joey表示多謝。
Joey在姐姐生日時送上驚喜。（受訪者提供）
問及相處之道，Joey表示：
「要互相尊重，大家關係自然會好。」
她憶述姐姐初來報到時，經觀察後感到對方愛錫小朋友，「一開始已經好信任佢，你信佢、對佢好，自然會好啲。玩電話都得，只要佢做晒啲嘢，或者喺安全嘅情況下，並唔會有所規限」。當姐姐做錯事時，她會選擇提點及解釋原因，而非只是一味怪責。最後，Joey又指出十分感恩請到好姐姐，認為教導小朋友愛錫姐姐、對姐姐好是必需的，同時亦希望姐姐可以「睇住小朋友大」，
「如果將來再有小朋友，都希望畀佢湊。」