女兒發燒住院外傭主動過夜照顧 港媽感恩：佢叫我返去休息

相信不少父母，都希望請到用心照顧年幼子女的好外傭。一名港媽昨日在網上發帖，指女兒日前發燒入院，家中外傭姐姐竟自動請纓接力留過夜照顧，著她回家休息。對此，她大為感動：「好感恩請到好姐姐！」

該名港媽在Facebook群組「外傭僱主必看新聞訊息」發帖，表示其女兒上周六（17日）晚發燒入院，「姐姐主動話陪佢過夜，叫我返去休息」。從她上傳的照片可見，其女兒正睡在嬰兒床上，而姐姐則側躺在嬰兒床旁邊的梳化上，溫柔地輕拍、安撫小朋友，場面十分溫馨、有愛。

{{hket:inline-image name="kid210820191.jpg"}}{{/hket:inline-image}}

(網上圖片)

港媽指出，外傭姐姐來自菲律賓，未有子女，今次是第一次出國打工，已在其家中工作半年。姐姐平日十分勤力，而且更是十分愛錫其女兒，

「姐姐做家務好快手，唔洗(使)提，日間唔會入房玩電話，好錫我個小朋友，平時做完家務都會自己搵野做。有時間會自己睇食譜。」

她認為做人要將心比己，

「我成日同佢講我地係一家人。佢嚟左第一日小朋友已經好跟佢。佢生日連我父母都畀利是佢，佢勁開心……8月頭同佢慶祝生日，佢話（係）佢人生第一個生日蛋糕......好感恩請到好姐姐，佢成日叫我生多個！」

此事引來大批網民熱議，不少人大讚該名外傭是一等一的好姐姐，「我真係好感動」、「好幸運，請到好姐姐不易」、「好好彩同真係要珍惜……總之你好我好，祝你姐姐繼續好」、「只要真心對小朋友，就夠了！」、「通常姐姐好，僱主都一定係好」。另有網民表示：

「其實我覺得有時候是雙向的、你點樣對人哋、人哋會點樣對返你，如果咁做都唔得、咁就怨自己冇運啦！」