【夏萍設靈】淚崩送別契媽最後一程 林家棟：「我一定會照顧到尾」

資深演員夏萍（原名：盧少萍）在8月初因病離世，享年81歲，演藝界大感悲痛，家人為夏萍在萬國殯儀館設靈。靈堂內放滿圈中人送來的花圈，當中包括胡楓、謝賢、汪明荃、劉青雲夫婦、黃子華、吳君如、佘詩曼等，在靈堂正中央則有三個心形花圈，分別署名契仔林家棟、兒子德基一家及女兒惠兒。

{{hket:inline-image name="TUNGSTAR4914757_600.jpg"}}{{/hket:inline-image}}

（東星娛樂）

契仔林家棟冒雨到達現場，戴上口罩的他一臉倦容，他表示契媽7月底中風，加上本身有高血壓和糖尿病，情況急轉直下，他說：「醫生用藥去維持住佢嘅生命，結果捱到兩個星期，我喺大陸趕返嚟見到佢最後一面。」家棟難掩不捨之情，多次在訪問期間流下男兒淚，他表示：「契媽成日擔心自己走咗之後會點，我話有我喺度唔使擔心，我可以做嘅就係陪住佢。我同佢講：『叫得你做阿媽，你叫得我做仔，我一定會照顧你到尾！』」

{{hket:inline-image name="gggg.jpeg"}}{{/hket:inline-image}}

（東星娛樂）

家棟表示契媽怕火，所以將會安排土葬，提到跟契媽相處的難忘事，家棟說：「喺電視台合作廿幾年，我好欣賞佢咁率直，成日用粗口鬧我，大家互相問候，好開心，佢又好關心我，我畀蚊咬佢會幫我𢱑，好似阿媽照顧小朋友咁。」

{{hket:inline-image name="hhhh.jpeg"}}{{/hket:inline-image}}

（東星娛樂）

{{hket:inline-image name="fff.jpeg"}}{{/hket:inline-image}}

（東星娛樂）