接落堂次次遲到自閉兒失落 怪獸父母被導師勸反鬧「咁早落堂」

父母是小朋友的依靠，亦是安全感的來源。一名英文興趣班導師日前在網上抱怨，指有一對家長次次接患有自閉症的兒子落堂時總是遲到，每次小朋友都由期待變成失落。最過分的是，當好心勸該對家長要準時來接兒子落堂，對方竟然惡人先告狀，反怪責導師提早落堂，更聲稱「畀咗錢你哋唔係咁㗎」，著他「檢討吓」，令導師大感無奈。

父母次次遲到 自閉症學生感失落

該名導師向Facebook群組「生仔要考牌系列」投稿，指一名需要多加留意的自閉症學生，每次都是由嫲嫲送來上堂，落堂由父母接，「小朋友準時1點上堂2點落堂……每次父母都遲到接放學，每次小朋友都由開心變不開心」。

有見及此，事主遂趁一次學生由嫲嫲接放學時反映有關情況，而對方亦表示「會同佢父母講」。但其後，學生的父母來接落堂時仍舊遲到，「落堂了……小朋友又等父母，由充滿笑容變無笑容」，

爸爸：唔好意思呀，我想問下你哋係幾點落堂㗎？

事主：我哋準時兩點就會落堂

爸爸：我每次都好準時，揸車到商場出面條馬路㗎

（停喺馬路唔入嚟接放學？甚麼邏輯？小朋友唔會自己走出條馬路等㗎嘛？）

事主：係呀，但因為小朋友未見你哋嚟就好失落啦，所以都想你哋早一兩分鐘到，喺課室門口接小朋友

學生母親惡人先告狀:「搞到我畀奶奶鬧」

再過兩分鐘，學生母親便怒氣沖沖地衝進來，斥責事主向其家姑告狀，「搞到我畀奶奶鬧」，「但我每次都見小朋友好早就坐咗出嚟等，點解你哋咁早落堂嘅？」事主於是解釋，其實他們每次都準時落堂，有時更是會超時，「但我見幾次你哋都遲咗10分鐘接小朋友，小朋友好失落，所以想你哋早少少接小朋友啫。」

未料，該名母親竟辯稱自己「離遠就見到小朋友坐喺度等，嗰陣都未夠鐘落堂」，又指「畀咗錢你哋上堂都唔係咁」，更要事主「檢討吓」。對此，事主在文末指出，家長應顧及小朋友感受，

「其實各位家長，有邊位小朋友唔渴望一落堂就見到父母或親人？唔係畀咗錢，掉低小朋友喺度1個鐘上興趣班就可以咩都唔理。早兩分鐘到課室門口，而唔係早兩分鐘到商場門口唔會好為難，如果你係以小朋友嘅感受行先。」

網民：真係睇見都嘔血

此事引來網民熱議，不少人認為該對父母十分有問題，「有啲咁嘅父母真係命都短幾年」、「真係睇見都嘔血」、「究竟係你被奶奶鬧重要啲，定小朋友唔開心重要啲」、「如果家長成日遲到，小朋友有機會唔鍾意上堂，嚴重嘅會覺得唔受重視」」。