《愛回家》Ma姐連環咀三男咩事嗌辛苦？ 同鐵面陳發展機會係...

劇集《愛回家之開心速遞》近日有全新感情線發展，全世界人都知接龍人事部的Rebecca（沈可欣飾）是單戀保安部經理鐵面陳（王致狄飾），不過早前鐵面陳因意外觸電而暈倒，幸得Ma姐（何綺雲飾）路過發現，為他人工呼吸兼施心外壓急救，化險為夷。一向著重道德的鐵面陳為了補償佔了Ma姐的便宜，希望追求對方負上責任。Ma姐為了轉移鐵面陳的心意，不惜扮車禍讓Rebecca勇救鐵面陳，又借意扮跌倒而不小心咀到大龍生（羅樂林飾），再揚言少少身體接觸不會介意，希望鐵面陳會認為她不道德而放棄追求。不過今次的安排卻令Ma姐不小心咀到保安員王朝（莫家淦飾）。

{{hket:inline-image name="REC8.jpg"}}{{/hket:inline-image}}

Ma姐在劇中未開始感情線，就將一吻獻給鐵面陳。(圖片：《愛回家之開心速遞》電視截圖)

{{hket:inline-image name="LO2.jpg"}}{{/hket:inline-image}}

Ma姐爆同大龍生的一吻最多次NG。(圖片：《愛回家之開心速遞》電視截圖)

{{hket:inline-image name="LO3.jpg"}}{{/hket:inline-image}}

咀來咀去都唔係真感情，到底Ma姐情歸何處呀？（圖片：《愛回家之開心速遞》電視截圖)

《愛回家》入面一向不太多咀嘴的親熱鏡頭，不過今次Ma姐短短兩集入面先後咀過鐵面陳、大龍生和王朝三位男演員，實在艷福不淺。飾演Ma姐的何綺雲接受《晴報》電話訪問，她表示：「係呀，連環咀晒三個，拍攝時真係好辛苦，辛苦到連咩係尷尬都唔記得，因為我救鐵面陳嗰場戲係後樓梯拍，熱到爆炸，佢就好舒服咁瞓喺度，我就要好多動作又急救咁。之後同王朝同大龍生又係，因為要夾好多次動作，我要扮跌好多次，所以其實NG好多，咀咗大龍生好多次，我仲開玩笑同導演講，係咪收咗大龍生好多錢。」

{{hket:inline-image name="68527073_10162058057320564_2007270832849551360_n.jpg"}}{{/hket:inline-image}}

王朝唔小心咀咗Ｍa姐，搞到上司鐵面陳呷醋。(圖片：莫家淦Facebook)

{{hket:inline-image name="64943842_118224146110048_5974208626616356669_n.jpg"}}{{/hket:inline-image}}

何綺雲直言拍攝這幾場咀嘴戲，絕對唔簡單。（圖片：何綺雲IG)

{{hket:inline-image name="57122358_285934472309057_6959353051493609597_n.jpg"}}{{/hket:inline-image}}

何綺雲話Ma姐同Rebecca係好姊妹，唔會奪對方所愛。(圖片：何綺雲IG）

何綺雲笑言拍攝絕對不輕鬆，不過最重要是大家睇《愛回家》睇得開心。提到近日鐵面陳的熱烈追求，問到Ma姐會否跟好姊妹Rebecca爭？綺雲說：「嘩，鐵面陳係Rebecca架！唔好啦！好多觀眾可能會鬧死我！」