今日係王菲50歲生日，有王菲嘅粉絲特意喺唔同渠道, 收集有關佢今年慶生嘅相片, 然後上載至社交平台並撰文送上祝福:「王菲是我心裏最美好的那一部分!生日快樂!」,「祝天后生日快樂!」。唔少網民睇到王菲嘅生日Party相片後都好奇地問:「謝霆峰呢?為甚麼不見他了?」, 仲有人懷疑佢哋係咪已經分咗手！睇番霆峰嘅個人社交平台, 佢最後更新近況嘅帖文已經係6日之前, 到底謝霆峰去咗邊呢?
(王菲Facebook專頁)
(王菲粉絲微博)
謝霆峰同王菲分開咗11年後, 2014年世紀大復合轟動全國，有傳媒影到兩人共處一室, 並且互相擁吻, 於是令兩人關係浮面! 雙方復合之後將感情事低調處理，鮮有見到二人同場。就算今日係王菲生日, 粉絲喺社交平台上發布多張嘅慶生相都未見謝霆峰身影, 而謝霆峰本人嘅社交平台帳戶, 已經有多日未有更新, 惹嚟二人感情生變嘅疑雲！
(謝霆峰個人社交平台, 更新近況日期是6天之前@謝霆峰ig:chefniccookies)
雖然喺王菲嘅生日會未見謝霆峰本人, 但有男性友人同佢慶祝，王菲都不愁寂寞。相中男友人同王菲勁Close, 飲酒飲到面紅紅嘅王菲同呢位男友人合照時, 仲好隨意咁挨咗喺友人身上。王菲挨向友人嘅動作看似非常純熟, 仲戙高腳勁隨意，好似返咗屋企一樣咁。 相信二人關係匪淺，似係相識咗好多年嘅好朋友先可以令天后咁放心。有眼利嘅網民表示, 認得相中嘅男人疑似係華誼副總裁劉韜。
(網上圖片)