【包青天再起風雲】胡定欣「小新」眉惹熱烈討論 古裝劇妝容出事另有內情？

《包青天再起風雲》喺星期一(22日)首播，直至今日已經播出咗三集。呢部劇嘅演員班底陣容鼎盛，分別有譚俊彥( 飾 包拯)、胡定欣(飾 雲千羽)、曹永廉(飾 公孫策)、張振朗(飾 展昭)、姚子羚(飾 紀念念)、陳凱琳(飾 伏色喀思公主)及湯洛雯( 飾 龐金枝)等。喺眾多演員當中，胡定欣喺各方面都係較為突出。佢除咗喺演技方面表現出色外，佢個妝容都非常觸目。有睇過呢套劇嘅網民睇完後，都紛紛喺網上討論胡定欣堂眉。

其實睇返胡定欣過往拍古裝劇嘅妝容，佢堂眉都曾有試過出現其他問題。佢之前拍《宮心計2深宮計》嘅時候，堂眉被化到一高一低，而家就係又粗又黑。到底點解胡定欣近幾年拍古裝劇嘅妝容都會容易出事呢？

{{hket:inline-image name="2018-05-25-09-30-48BWf7v9Lz.jpg"}}{{/hket:inline-image}}

(《宮心計2深宮計》劇照@TVB電視截圖)

{{hket:inline-image name="29790431_201983380578284_8405706633229137689_n.jpg"}}{{/hket:inline-image}}

(《包青天再起風雲》劇照@網上圖片)

睇返胡定欣之前喺TVB拍《大唐雙龍傳》、《搜神傳》嘅時候，佢堂眉都冇咁粗同咁黑。雖然未知點解胡定欣逢拍古裝劇個妝都會出事，但就有網民質疑，胡定欣會唔會係得罪咗化妝師呢？《包青天再起風雲》播出後，胡定欣堂眉再次深受網民關注，近日有多位網民都喺各大討論區，對胡定欣堂眉作出批評：「好似『蠟筆小欣』」、「條眉太粗太黑，顯得個樣好惡」、「得罪化妝師？」。同時，亦有唔少網民表示好喜歡佢個妝：「我鍾意粗眉。」、「女強人特徵」、「我見過真人，又唔覺好粗喎！都幾清秀啊！」。

{{hket:inline-image name="15622399_1304283436302023_2844288409620171314_n.jpg"}}{{/hket:inline-image}}

(《大唐雙龍傳》劇照@TVB電視截圖)

{{hket:inline-image name="17352300_1378295945553866_2497933297172451321_n.jpg"}}{{/hket:inline-image}}

(《搜神傳》@TVB電視截圖)

嚟緊今晚呢集都會再次見到胡定欣嘅出現，今晚將會講到千羽(胡定欣 飾)同念念(姚子羚 飾)打聽案情，念念對包拯(譚俊彥 飾)照料有加，惹佢起疑。而曉晨(傅嘉莉 飾)會到解語軒謀職，但未能擊敗展昭(張振朗 飾)，被水玲瓏(陳自瑤 飾)拒絕。展昭得悉曉晨為救父混入解語軒，所以對佢萌生好感。盜賊行劫交子店，逃走時傷及龐太師夫人。假交子流入市面，龐太師向包拯施壓，要佢查明真相。