近日鄭秀文開世界巡迴演唱會香港站，去到最新一場，與嘉賓鄭融合唱《紅綠燈》時淚灑當場，她感觸良多地說：「呢首歌陪咗我好多個夜晚…覺得自己嘅心境就好似企喺紅綠燈口咁，想走過去對面就走唔到...」原來這首歌是她罹患嚴重抑鬱症時期的寫照。其實鄭秀文心地好好，雖然自己有抑鬱症，但比起自己，她更在乎其他人的感受，好像雷頌德老婆梁家玉因癌症、失眠而情緒崩潰，就是因為鄭秀文得以改變一生。
(梁家玉facebook)
患癌流血不止怕累雷頌德 鄭秀文義不容辭幫助
梁家玉曾面對首次婚姻的失敗，本來沒有再婚打算，直至遇到雷頌德，令她重拾對婚姻的信心。2007年，二人拉埋天窗，梁家玉幫手照顧孩子、打理家庭，甚至幫雷頌德管理公司，是個廿四孝老婆。直到2017年，梁家玉身體出現問題，但她沒停下來休息，終不幸確診患癌。雷頌德怕失去梁家玉，不知道怎樣應付：「我媽媽因為有癌症不治離去」。而梁家玉深知雷頌德很擔心，所以故作堅強，她說：「任何手術都有風險，做之前會擔心會唔會有事，但我希望堅強啲，因為我知道佢有好多嘢依賴我，我成個家庭都係，所以我好擔心我真係唔喺度，佢會點？我寧願佢先走，因為我覺得…佢會撐唔住，我會撐住。」
之後梁家玉需要動3個手術，當時她還覺得能靠自己渡過難關。而好姊妹鄭秀文就感受到她很大壓力，於是主動傳福音：「你就嚟做手術，不如我嚟你屋企同你祈禱。」梁家玉期間竟然把未試過說出口的憂慮講出來，情緒崩潰，哭得一塌糊塗，梁家玉說：「我感動到不斷喊，成個人震晒，阿Mi係我嘅天使，成個過程佢都幫我。」去到其中一次手術之前，梁家玉突然流血不止，她馬上在颱風警報下前往醫院，最後在不用輸血的情況下完成手術，連原定的另一個手術也做好。原來，當時鄭秀文拍攝工作延期，休息時間特意為梁家玉祈禱。後來梁家玉信主，困擾數年的失眠也不藥而癒，影響到雷頌德也一同信主。
(梁家玉facebook)
(梁家玉facebook)
(梁家玉facebook)
雷頌德用愛照顧繼仔與亞氏保加症細仔
做完手術休息的時間，雷頌德父兼母職，幫忙帶小朋友上下課，照顧他們，但其實他們一個是繼仔，一個患有亞氏保加症，即自閉症的一種。對於繼仔，雷頌德毫不介意，拍拖前他就知梁家玉21歲已結婚，育有個囝囝Sean，那時間他已決定要給Sean最大的愛。見到梁家玉與前夫爭取Sean的撫養權，雷頌德更同梁家玉講：「佢老竇唔養佢，我養佢！」至於細仔更加不會離棄，雷頌德知道他智力和語言發展正常，教導時可能較花時間，但從未有過放棄念頭。梁家玉直言見到老公的努力，令她很安心：「呢個男人仲有咩好投訴？我冇嫁錯佢！同佢相處多年，唔係為衝動而結婚，而係大家真係好愛對方。佢做到晒我嘅要求，係一個好好嘅男人，就算過幾多世再揀都會揀佢。」
結婚誓詞提到無論富裕或貧窮、健康或疾病，都承諾會留在彼此的身邊，支持對方，雷頌德正正履行了這個約定。
▼如今二人已移居英國
(梁家玉facebook)