外傭掉低輪椅婆婆行街購物 目擊者怒轟：點可以咁對老人家

香港地不少家庭都會聘請外傭照顧老人家，但又有否想過老人家的日常生活過得如何？昨日有女網民指日前在黃大仙中心南館，看到一名坐輪椅的年邁婆婆獨自在時裝店門外守候，而照顧她的外傭正在店內睇衫，而且睇完一間又一間。她對此感到憤怒，同時亦擔心婆婆的狀況：「幾時先畀婆婆返屋企休息？」

{{hket:inline-image name="sh180720191.jpg"}}{{/hket:inline-image}}

樓主：婆婆個樣好攰咁

「點解姐姐可以咁樣對待老人家？希望婆婆屋企人睇到post（我都希望係我誤會左姐姐啦）。」樓主在Facebook群組「外傭僱主必看新聞訊息」發帖，指事發於周一（15日）晚7時半左右，該名婆婆「年紀好大」、「個樣好攰咁」，當時身邊並無任何照顧者，

「我覺得應該係有人入左去shopping，婆婆響門口等佢，我望入時裝店，見到有一個工人姐姐睇緊衫，直覺話我知，佢就係婆婆照顧者，因為如果係親人，唔會掉低老人家向門口，然後自己去shopping嘅。」

外傭睇完一間又一間

樓主因擔心婆婆，於是在旁等了一會；其後，該名外傭出來後推走婆婆，證實她便是照顧者，

「我有望住姐姐，佢知我望佢仲眼超超，然後佢一於好少理，再次掉低婆婆響門外，入左隔離嗰間時裝店繼續shopping。真係唔知之前佢shopping咗幾耐，幾時先畀婆婆返屋企休息？」

{{hket:inline-image name="sh180720193.jpg"}}{{/hket:inline-image}}

事件惹網民熱議

此事引來大批網民熱議，「工作期間唔應該做自己嘢，仲帶住年老虛弱嘅婆婆，係唔應該囉」、「我覺得佢偷懶又好僱主叫佢買嘢又好，重點係要推埋個老人家入去一起睇囉！老人家=小朋友」、「目測婆婆應臥床休息多於坐輪椅四圍去」、「見到呢個post 好心痛呀」、「見到就火滾」。不過，亦有網民認為「其實好小事」，「不要太敏感啦，只因那個是外傭就覺得係佢唔啱？可能係僱主叫佢去幫手買啲衫呢。」

樓主盼婆婆家人留意此事

對此，樓主進一步留言表示，當時她想過入店叫外傭出來照顧好老人家，「在我猶豫之際，姐姐睇完衫出來，我望實佢，佢都照入第二間睇衫，嗰吓我最火。」至於自己出帖的原因，是希望提醒婆婆的家人要留意，

「唔想婆婆畀人蝦，婆婆年紀大，如果突然唔舒服，姐姐又走咗去睇衫，後果可以好嚴重。」