劉德華：我依家都係業餘歌手 同古天樂合唱鬥Chok

劉德華和古天樂合作拍攝電影《掃毒2》，雖然兩人在電影有不少合作，不過今次搞搞新意思，兩人獻聲為電影合唱主題曲《兄弟不懷疑》，新歌今日正式上架，寫到明「戲未到，歌先到」，不少粉絲聽到都大讚好有型、好有男人味道。今次的歌曲由兩人合唱，古天樂難得開金口，實在令人驚喜，歌曲中都滲出丁點《男朋友》的味道。

古仔在2000年曾經加入樂壇，推出《男朋友》、《今期流行》、《Mr. Cool》等等，近十多年他轉戰電影發展，不少歌迷都好掛住他的歌聲同舞姿，去年終於被麥浚龍和謝安琪感動，開金口跟謝安琪合唱《(一個男人）一個女人和浴室》，並在今年年初舉行的2018年度叱咤樂壇流行榜頒獎典禮上獲頒「叱咤樂壇我最喜愛的男歌手」，認真威水！

{{hket:inline-image name="MRS01336.JPG"}}{{/hket:inline-image}}

古天樂愈戰愈勇，好期待下次佢推出快歌再跳舞。（圖片：大會提供）

{{hket:inline-image name="NPS_5019R_f.jpg"}}{{/hket:inline-image}}

錄音打扮都夾到咁，相信電影拍攝期間建立咗好大嘅默契。（圖片：大會提供）

{{hket:inline-image name="nnnnnn.jpg"}}{{/hket:inline-image}}

劉德華稱對上一次唱男男合唱已經是《無間道》。（圖片：大會提供）

在花絮片中，華仔表示已經很久沒有唱出一些男人的聲音，對上一次已經是跟梁朝偉合作的《無間道》，所以今次對他而言非常有新鮮感，古天樂笑稱自己是業餘的，沒想到華仔搞笑說：「我依家都係業餘呀！」不過今次華仔親自操刀為歌曲譜詞，花了幾天時間就完成，古仔收到歌詞後說：「唔好玩啦，我都唔識唱歌，畀咩意見！」華仔直言今次歌詞主要講兄弟情，他認為好多事情只要講出口講得明明白白，就不會發生太多誤會。」

問到會否為樂壇帶來新力量？古天樂說：「嘩，講到咁可歌可泣，到底你有冇聽過我啲歌？」華仔尷尬傻笑稱聽過好多歌，只是好難講出他的歌名，華仔說：「錄音前見佢好緊張，又話想逐句逐句錄，其實佢睇少自己，入去錄音唔錯，我幾鍾意你唱其中一句，講人與人之間關係，大家一定要留意。」

{{hket:inline-image name="NPS_4915_f.jpg"}}{{/hket:inline-image}}

古天樂年初先得到樂壇獎項，今年會唔會又再橫掃頒獎禮呢？(圖片：大會提供)

{{hket:inline-image name="NPS_5082_f.jpg"}}{{/hket:inline-image}}

今次電影製作認真，連主題曲都一絲不苟。（圖片：大會提供)