【娛圈曼德拉效應】余子明同馮素波唔係夫妻？姜太公入行45年最遺憾係……

現年75歲嘅余子明自90年代尾起擔任大量電視劇甘草角色，經常出演一啲老智者、太監、潮州怒漢等角色。余子明曾經喺醫療資訊節目中表示自己曾患心臟病，不過熱愛演藝工作嘅佢至今仍喺無綫持續有演出。

{{hket:inline-image name="10.jpg"}}{{/hket:inline-image}}

（myTV SUPER短片截圖）

余子明自細喜歡唱歌，當年參加歌唱比賽入行，更曾與徐小鳳同台演出。其後到過唔同嘅夜總會、新加坡以及印尼演出。余子明在1960至1970年代簽過一份新加坡的歌手合約（長約），所以佢婚後留喺當地居住。其後因為新加坡已故總理李光耀推行非本地居民不能夠在當地工作超過一年的政策，致使余子明被迫返港工作。直至1976無綫搵佢演出歡樂今宵，佢就正式加入無綫電視。

{{hket:inline-image name="8.jpg"}}{{/hket:inline-image}}

（myTV SUPER短片截圖）

佢喺《歡樂今宵》中趣劇演「大眼雞」最為人熟悉，至今仍然有人稱呼佢做「雞哥」。佢仲喺1981年同2001年兩個版本嘅《封神榜》內演姜子牙一角，睿智長者形象深入民心。

{{hket:inline-image name="5.jpg"}}{{/hket:inline-image}}

（myTV SUPER短片截圖）

余子明與太太馮素雲於1960年代尾因一次到印尼演出時相識，二人便於1972年年初訂婚，同年結為夫妻。馮素雲嘅胞姊與馮素波都係有名嘅甘草演員，由於馮素波與馮素雲的樣貌相似，好多人都誤以為余子明同馮素波係夫婦，甚至圈中人陳齊頌同監製梅小青等亦曾有所誤會。余子明成婚派發喜帖時，記者朋友仲以為佢搞錯自己老婆名。直至依家仍然有人以為佢嘅妻子係馮素波，解釋到佢口水都乾。

{{hket:inline-image name="4-40.jpg"}}{{/hket:inline-image}}

(網上圖片)

{{hket:inline-image name="005M25Lsgy1g4bzr3l545j313y0u04aq.jpg"}}{{/hket:inline-image}}

馮素波被誤認為係妹夫嘅老婆。 (馮素波微博)

余子明指自己早喺讀書時已獲老師讚有演戲天份，從演多年一生無悔無怨，認識嘅朋友亦唔少，不過佢有唯一一個小小嘅遺憾：「入TVB前做過歌手。以前有個心願，就係喺紅館開演唱會，但唔係要錢，係想開一個慈善演唱會，將所有收入捐給慈善機構，咁我就好開心。」