Lynus ig
Lynus ig
Lynus ig
吳婉芳細仔Lynus向來有玩健身，近日喺英國參加健美比賽，仲全家一齊飛去支持佢，Lynus仲喺網上甫出全家福，並留言：「Couldn’t have done this without you guys！（冇咗你哋，我根本冇可能做到）」網民都勁讚呢個家庭「太犯規」，大仔愈嚟愈有貴公子氣質；二仔大隻又陽光；細女弗咗又靚咗，不過最屈機都係阿媽十年如一日嘅不老顏容同永冇走樣嘅身形！同三個仔女拍埋一齊就好似４兄弟姊妹咁，已經唔係童顏咁簡單，直頭係不老症！
Lynus ig
現年51歲嘅吳婉芳係1986年香港小姐亞軍，於1993年下嫁商人胡家驊後，先後誕下兩子Caspar及Lynus，幼女Helene，為胡家開枝散葉。胡家驊與吳婉芳結婚多年都恩愛非常，早年經常雙雙出入馬場。
胡家驊與吳婉芳(東星娛樂)
吳婉芳被傳媒「捕獲」之後網民都激讚佢愈來愈靚，宛如少女一般。可惜胡家驊兩年前突然於睡夢中安然辭世，吳婉芳頓失至親，此後鮮有出席公開場合。
吳婉芳(東星娛樂)
吳婉芳三名子女遺傳咗佢嘅優良基因，學業優異之餘仲又靚又有氣質，被指為城中筍盤！同吳婉芳最似樣猶如餅印的長子Caspar，多年來留着一頭長髮，外表不羈，甚具貴公子氣質。Caspar仲更加係品學兼優嘅尖子！Caspar於華仁書院畢業後去英國入讀貴族學校哈羅公學，2016年更於英國倫敦大學畢業，為一級榮譽經濟學學士，廿二歲已攻讀碩士課程。
Lynus（左）與Caspar（網上圖片）
至於二仔Lynus跟哥哥一樣於華仁書院及哈羅公學畢業，現於英國牛津大學就讀。由於身形高大及樣子俊俏，曾陪吳婉芳現身馬場成為焦點並被指為「高富帥」代表。性格好動的Lynus熱愛足球及健身，2016年六月都參加過英國健美先生比賽，並奪得「Men Physique Tall」組別冠軍，當場擊敗同組的六十名對手！
Lynus（Lynus instagram）
而Caspar及Lynus都視妹妹Helene如掌上明珠，三兄妹感情非常要好。
Helen與Lynus（左）（網上圖片）