【白色強人】老公一夜輸80萬 無咗過半身家 方伊琪：朋友估我哋得一年「貨仔」

今日迎來62歲生日的藝人方伊琪岀道多年，70年代至今唱過無數悦耳的經典金曲。方伊琪1978年跟音樂人謝永康結婚，育有獨子謝卓達，兩公婆婚後非常恩愛，多年來從無傳出緋聞婚變，外界都認為佢哋一家三口生活幸福美滿。然而近日方伊琪接受訪問時坦言結婚41年，家庭都曾經岀現巨大衝擊同挫折......

{{hket:inline-image name="62515498_2409201825809150_927791512362680320_n.jpg"}}{{/hket:inline-image}}

(方伊琪今年大搞生日會,彭皓鋒Facebook圖片)

{{hket:inline-image name="64415048_2409201569142509_1531363777570668544_n.jpg"}}{{/hket:inline-image}}

(彭皓鋒Facebook圖片)

{{hket:inline-image name="ggg.jpg"}}{{/hket:inline-image}}

(最近播岀的劇集《白色強人》亦有佢嘅演出，飾演患有腦瘤的士司機嘅太太)

當時是1987年，香港迎來超嚴重的股災，謝永康都有玩股票，損失慘重，一夜間無咗一半身家。方伊琪說：「嗰次股災好得人驚，係停咗好耐先開返，開返市嗰陣好多人唔見錢，我哋一晚唔見咗80幾萬，係一層樓嘅價錢，嗰個年代差唔多係大半身家。好多朋友問我點解唔鬧我老公，但係我覺得有乜好鬧，都已經唔見咗，咪諗辦法再搵番，反正大家仲後生，怕乜嘢？做人最緊要係樂天知命，食幾多、着幾多係整定，你個肚食得幾多？瞓又瞓得幾多？咪又係嗰幾呎床。同埋當時老公都好唔開心，我更加要正面啲，咁咪定下目標，努力啲走岀困境。之後我就畀心機工作，繼續唱好啲歌，好快幾年後就搵返損失嘅錢。同埋錢財始終係身外物，人總會百年歸老，我自己都帶唔走。」方伊琪豁達的心態好值得大家欣賞呀！

{{hket:inline-image name="19248106_1415817855151955_8255604327289323230_n.jpg"}}{{/hket:inline-image}}

(方伊琪Facebook圖片)

方伊琪同謝永康結婚後，並無為家庭放棄事業，兩方面都兼顧得好好，即使長駐在夜總會登台唱歌，但從未被物質所引誘，佢話：「嗰陣有人話夜總會品流複雜，但係我真係冇見過，亦都唔會見到有所謂品流複雜嘅人埋身，反而試過喺未結婚之前，曾經有人送鑽石表畀我，不過最後都畀番佢，因為我覺得如果啲做生意嘅人，去夜總會玩唔係咁好。」反而係老公謝永康，唔少朋友婚前都唔睇好佢，覺得Band友生性浪漫，實吸引好多狂蜂浪碟，更有親友估佢哋婚姻一年「貨仔」就會玩完，搞到方伊琪好無奈，「我先生雖然係band仔，但佢反而畀到我穩定嘅感覺，做呢行嘅人好鍾意應酬，但我老公係收工第一時間返屋企嘅人，唔會周圍去。做人老婆，老公準時返屋企梗係開心啦，佢令我好安心。」當然兩公婆成功破解朋友嘅「烏鴉口」，結婚都已經41年，仲係好sweet！

{{hket:inline-image name="12832324_1010788345654910_5817378969887553259_n.jpg"}}{{/hket:inline-image}}

(方伊琪Facebook圖片)