胡美儀曾失婚幸運遇上毛俊輝 遭至親遺棄患抑鬱靠一樣嘢釋懷

現年62歲的藝人胡美儀70年代岀道，無論歌影視粵劇都有佢的身影。94年暫別娛樂圈，胡美儀做過美容公司行政人員，之後再花五年時間修畢心理輔導學學士課程，其後胡美儀專注出書及成立心理工作室。最近佢應機構邀請，分享教長者快樂的竅門，期間佢分享自己悲慘童年，透露丈夫毛俊輝在二人結婚前更患上癌症，而母親離世令胡美儀更一度患上嚴重抑鬱症。胡美儀以前的經歷非常坎坷，幸好佢靠心理學終於得到安慰同釋懷。

{{hket:inline-image name="TUNGSTAR5957641.jpg"}}{{/hket:inline-image}}

(東星娛樂)

胡美儀岀生三個月便慘被親生父母遺棄，佢從小在不同的寄養家庭長大，寄人籬下，童年生活過得好悲慘，「我細細個就識得睇人眉頭眼額，真係藝人訓練班都唔使讀。一岀生就被父母遺棄，令我好影響對人嘅信任，又會無安全感。」。到胡美儀中二那一年，照顧佢嘅養母家境非常窮困，經濟拮据，佢只好輟學做車衣女工幫補家計。20歲那年，胡美儀同第一任老公結婚，仲生咗個女，可惜因為唔識同人相處，呢段婚姻係遺憾離婚收場。

{{hket:inline-image name="36088009_10160633821445327_7634645719755784192_n.jpg"}}{{/hket:inline-image}}

（胡美儀不時應機構邀請分享,胡美儀Facebook）

後來胡美儀終於遇上戲劇大師毛俊輝，感情穩定幸福，正打算結婚之際，毛俊輝發現自己患胃癌。胡美儀非常擔心，只好推遲婚禮，悉心照顧毛俊輝對抗癌魔，幸好最後擊敗癌魔康復，2004年二人在美國註冊結婚。兩人一齊多年，胡美儀笑稱每日都當丈夫患重病，因為呢個係維繫夫婦感情最好的保鮮方法。她說︰「多謝老公十幾年前嘅癌症，因為佢唔知有冇命，做化療都話得三成把握，後來佢好番，我就覺得我哋係『沒有明天的婚姻』，所以要好好珍惜，成日提醒自己要用行動證明愛。」

{{hket:inline-image name="TUNGSTAR5406901.jpg"}}{{/hket:inline-image}}

（胡美儀同毛俊輝非常甜蜜，經常岀雙入對）

就算擁有美滿的婚姻，胡美儀仍然不快樂，事關親生母親的離世令佢大受打擊，更曾經患上嚴重鬱症。其後佢接受咗心理輔導，先逐漸解開心結。完全康復後胡美儀決心要進修心理輔導學，用自身經歷去幫助其他人。她說：「心理治療其實只係保健的一種，將心事講出來已經是一種治療。長者因為各種原因，普遍唔會將心事話畀其他人知，而係選擇屈係內心。其實只要經常保持正念，思想會慢慢由負面變得積極起嚟。」

{{hket:inline-image name="18951303_10158895307750327_1611815410332820507_n.jpg"}}{{/hket:inline-image}}

{{hket:inline-image name="40568578_10160911565595327_6266546899080183808_n.jpg"}}{{/hket:inline-image}}