譚杏藍參加斷食營7日勁減11磅 1日狂屙10次排毒靠檸檬鹽水

都市人生活忙碌，未必每日可以健康飲食，身體難免積聚好多毒素，難以清除。藝人譚杏藍（小花）最近為了養生，特地前往台南玉井山參加為期7日的斷食營，透過7日斷食斷聯的情況下，好好為身體進行排毒，同時沉澱心靈。經歷完七日斷食營，小花更形容自己「成個人Refresh」咗，身形fit咗，整整輕了11磅，健康了很多。小花有將是次經歷分享到社交網絡，希望讓更多人認識何為「斷食營」。

{{hket:inline-image name="WWW.jpg"}}{{/hket:inline-image}}

小花參加斷食營的想法始於今年1月，偶然見到Facebook上有朋友介紹斷食營，好奇心驅使下，睇完整篇文章，小花對斷食產生興趣，於是毅然決定報名參加為期7日嘅斷食營。「去之前都會好擔心，我平時一肚餓就好容易發脾氣，好驚自己係斷食營頂唔順，驚自己心情唔好、驚會胃痛，好多嘢會擔心。不過既然已報名，亦唔怕得咁多！」於是小花硬著頭皮前往，而斷食營不能與外界聯絡，要沒收手機7日，目的是讓參加者可以專心斷食，此項規矩對小花而言已是一大挑戰，事關城市人睇少一日電話都好難呀！

{{hket:inline-image name="3qWdz-0ReXvB6jkuTj9Fhel-L7aHToaIMe6UMjHulDI.jpg"}}{{/hket:inline-image}}

(小花與斷食營長合照，ig圖片)

斷食過程困難重重
在斷食營的每一日行程非常緊湊，5點半起床做早操，然後在山裡散步、做瑜伽，流汗排毒。之後就到每日的重頭戲：飲檸檬鹽水2公升，飲完便會瘋狂去廁所排毒，小花説：「斷食斷咗咁多日，神奇嘅係每一日都係不停有嘢屙，每日去8至10次廁所，以前積咗好多年嘅嘢，一次過屙晒出嚟。有啲人飲完檸檬鹽水會嘔，姐係佢個胃唔好，有好多毒素要排出。亦有同學仔會嘔埋陳年咳藥水出嚟，代表佢身體一直分解唔到啲藥，積存咗好耐 。」到了晚上，斷食營會安排參加者上健康知識課、幫皮膚排毒，每日活動非常精彩。斷食營第5日開始，參加者便可以開始復食，進食一些簡單食物，如蔬菜湯、黑糖薑茶湯、南瓜湯等等。

{{hket:inline-image name="ssF.jpg"}}{{/hket:inline-image}}

（參加斷食營每日必飲「檸檬鹽水」為身體排毒）

{{hket:inline-image name="ssw.jpg"}}{{/hket:inline-image}}

{{hket:inline-image name="sss.jpg"}}{{/hket:inline-image}}

（小花稱每日都會狂屙）

不過萬事起頭難，斷食時小花曾試過餓到快不行，全身乏力。餓到極點，小花惟有不斷飲水死忍，然後逼自己瞓覺。小花直言最難戰勝的是心魔：「最緊要係戰勝內心嘅魔鬼，斷食營嘅主辦人隨時準備咗黑糖薑母茶，如果真係餓到頂唔順可以飲少少，好在我最後都克服到內心的魔鬼無飲到。」

{{hket:inline-image name="eeea.jpg"}}{{/hket:inline-image}}

（斷食營後期可以開始復食，如蔬菜湯等簡單食物）

成功完成為期7日的斷食營，小花最大改變係輕咗11磅，身形瘦削好多，同時亦比以前更重視健康：「返到嚟會想食啲好清嘅嘢，唔想再食濃味食物，鍾意咗蔬菜湯，烚下菜、粉絲、豆腐。」不過小花最後亦有向大家呼籲：「並無任何宣揚飲食方法的意圖！而且任何人對身體作出任何改變時，記得尋求醫生或者專業人士的意見。」各位參加斷食亦需量力而為！

{{hket:inline-image name="gg.jpg"}}{{/hket:inline-image}}

（小花參加完斷食營的前後對比圖）