腳傷打石膏學生哥逼東鐵 獲善心母女讓座背後超有愛

人間有情！一名學生近日做運動時不小心整傷腳，需要打石膏。他日前負傷搭東鐵由粉嶺前往紅磡返學途中，獲一對善心母女讓座，令他甚為感動。事後，他不禁在網上發文大讚道：「不得不說原來香港真係仲有啲好好嘅家長！」

住粉嶺搭巴士日日無位坐

該名學生日前向Facebook群組「生仔要考牌系列」投稿，指家住粉嶺，通常搭東鐵一上車「都已經成車都係拖住行李嘅大陸人」，因此每日搭車往紅磡返學沒位坐都已是習以為常。

樓主整傷腳要打石膏

近日一次做運動時，他不小心整傷腳，需要打石膏，「有日星期六要（搭巴士）返學校傾嘢，都係冇位坐，我都唔期望人間有愛。冇幾耐就有個小朋友過嚟叫我去坐，一望原來係佢媽咪（應該係）霸住咗個位，同時示意叫我埋去坐低。」

好媽媽善意謊言：我哋下站落車

他本婉拒該對母女的好意，惟該名媽媽不斷向他稱：「唔緊要，我哋下個站都落車啦！」未料他坐下後，才發現原來是一個善意的謊言，「後來發現嗰兩母女原來同我一樣係喺尾站落車，而中間個小朋友完全冇扭計。」此事令他深受感動，「不得不說原來香港真係仲有啲好好嘅家長。」

母女獲網民大讚有善心

此事引來網民熱議，不少人大讚該對母女有善心，「身教好重要」、「好有家教，值得學習」、「禮貌很重要，人之初、性本善」。另有網民認為，現今社會已經少有如此懂得身教的家長，以及如此有禮貌的小朋友，「值得表揚，因為稀有！」