狂嘔2日無小便 9日暴瘦15磅 吳彥祖盲腸潰爛：遲多日可能無命

現年44歲的吳彥祖是不少女士心目中的男神，一舉一動備受關注，最近他出席公開活動，依舊有型靚仔，但身形清瘦不少，原來是因為他3月份曾大病一場，更差點沒命，現在身體還在休養當中。近日吳彥祖以一身運動裝束現身網台清談節目《24/7TALK》，講到3月曾患嚴重盲腸炎，更稱再遲一日去醫院就可能會死，嚇到在場人士亦面青青呀！

{{hket:inline-image name="59775952_137339710688143_3053064719349402939_n.jpg"}}{{/hket:inline-image}}

（吳彥祖IG圖片）

當時吳彥祖的太太Lisa S.因為工作離家數日，家中只剩女兒和工人姐姐，而他就訂好周末到加拿大的機票，準備去見朋友。但於星期四深夜時分，吳彥祖突然開始嘔吐：「我本來以為只係食錯嘢，所以捱到第二天（星期五）先去睇醫生，醫生都以為我係食錯嘢，開咗腸胃藥同止嘔藥畀我。但我返到屋企食藥之後，情況並無好轉，腹部仍然非常痛，痛到胃好像被人狠狠咁踢，而且係每10分鐘踢一次。後來我就開始肚瀉，又係每10分鐘一次。我總共10幾個鐘飲唔到水，亦無小便。」

{{hket:inline-image name="ffw.jpg"}}{{/hket:inline-image}}

(《24/7TALK》影片截圖)

吳彥祖見事態嚴重，身體一直沒好轉，懷疑自己食錯藥，忍不住聯絡家姐求救，帶他到另一家醫院求診。醫生一見到吳彥祖就說他的肚子好脹，做完CT 掃描，才發現他是盲腸嚴重發炎，必須立即做手術。吳彥祖説：「入到手術室，醫生話唔可以切條盲腸岀嚟，因為我所有腸同胃都發緊炎，腫漲得好勁，如果強行切咗盲腸，有機會整穿埋其他部位，所以只可以吊消炎藥一個星期，等佢慢慢好。」吳彥祖還説：「嗰時醫生都話，做咗10年呢類手術，無見過情況咁差嘅患者，一般人患盲腸炎劇痛1至2小時就忍唔住要求醫，都唔知點解我會忍到幾日，再遲多一日我可能會死。」吳彥祖大病足足9日沒有進食過，所以總共瘦了15磅，現時看上去還是很消瘦，不過幸好醫生跟他説只需觀察半年，而復發率亦只有7%。總算是「大步檻過」，真的身體健康最重要呀！

{{hket:inline-image name="rrrr.jpg"}}{{/hket:inline-image}}

（《24/7TALK》影片截圖)

患盲腸炎會否嚴重時無法切除潰爛部位？《晴報》記者致電腸胃肝臟科醫生畢耀權先生查詢。畢醫生稱：「每個患者情況不同，不能一概而論，有需要應求醫，不應耽誤治療。 一般盲腸炎有機會有肚瀉、嘔吐情況岀現，嚴重的患者有機會需要住院，同時需補充流失的水份。」

{{hket:inline-image name="DR_Liver_ButYiuKuenDavid_resize_600.jpg"}}{{/hket:inline-image}}

(腸胃肝臟專科畢耀權醫生)