港女霸2個位玩電腦坐足幾粒鐘 咖啡店員：唔係飲1杯嘢就大晒

咖啡店是不少港人喜歡流連的地方。而有連鎖咖啡店店員近日在網上發文抱怨，指有一名女客人叫了一杯咖啡後，無視假日人多的狀況，長時間霸住兩個位用電腦，並趕走了數名欲搭枱的客人。對此，店員不禁怒斥：「你喺度阻住人做生意已經算了，你仲要趕走我哋啲客，係我哋忙到死咗時畀麻煩我哋！」

該名店員在Facebook專頁「西客之道 Hispitality Secret」投稿，指現時愈來愈多自私客人，令到他們愈來愈難做，「今日（18日）又見一個。明明假日已經多人，個港女仲要長時間死霸住兩個位用電腦（成場只見佢只係飲1杯咖啡）。冇人叫你都算啦，偏偏我都見到有5、6個客問佢，想share坐，而佢都全部趕走晒，有幾個仲要叫我哋出面處理。」

{{hket:inline-image name="coffee24052019.jpg"}}{{/hket:inline-image}}

店員怒斥，指該名女客人不但「阻住做生意」，而且更趕走客人，「喺我哋忙到死咗時畀麻煩我哋。小姐，飲一杯咖啡唔係就可以大晒㗎！」最後，他又借用九龍城裁判法院主任裁判官吳蕙芳的「金句」：「既然你是香港居民，應該好好提高自己的修養。」、「你現在是香港人，我們非常歡迎，但不要將香港人面子丢光。」

此事引來網民熱議，不少人都不恥該名女客人所為，「當正自己屋企」、「某些人真係唔識咩叫自律㗎」、「遇著啲咁嘅人，我照『得』落去坐，仲要放嘢上枱，『牙』番半張枱出嚟！」、「好無奈，請自律吧」。不過，亦有網民表示：「坐成日都唔係問題，1人霸2人位先係問題。」、「其實我覺得，咖啡店本來就是畀人長坐，唔明有咩好抱怨，如果唔係做咩一杯嘢賣咁貴。」

此外，為了解決相關問題，亦有網民建議咖啡店作出以下措施：「Cut咗免費WiFi，枱面上寫明繁忙時間，請將座位共享有購買飲品人士，每人消費1杯飲品只可佔用1個座位，請無消費的顧客請勿霸佔座位與讓予有需要人士。」