孝順仔胡歌陪媽媽抗癌逾30年 心痛悼亡母：「她勇敢堅強」

內地男星胡歌近年憑劇集《瑯琊榜》人氣急升，走紅兩岸三地，故歌岀道十多年，代表作眾多，加上有型靚仔，係唔少人心目中嘅男神。每次提到事業有成，佢都會將功勞歸於媽媽，仲話媽咪對自己影響好深，睇得岀兩母子感情非常深厚。不過近日就傳嚟胡媽媽癌症病逝嘅消息，而胡歌亦於微博上傳一張同媽媽嘅黑白舊照，悼念亡母：「獻給一位遠方的女士。」網民亦紛紛留言安慰胡歌，叫佢唔好太傷心。

{{hket:inline-image name="48e837eegw1f77hqzlmmsj20et0m875c.jpg"}}{{/hket:inline-image}}

(胡歌微博)

{{hket:inline-image name="48e837eely1g2d5g55cksj22bc334qv6.jpg"}}{{/hket:inline-image}}

(胡歌微博)

據悉胡媽媽已於上個月病逝，而胡家亦舉行了追思會。胡媽媽喺胡歌5歲嘅時候不幸患上乳腺癌，喺長達30幾年嘅時間，佢一直勇敢堅強咁抗癌，從無放棄過一絲希望。故歌於2017年擔任過乳腺癌防治愛心大使，曾提及媽媽病情：「我的母親是一位勇敢堅強的女性，她的積極樂觀和她在面對死亡時候所表現出來的無畏和坦然，對我的今天甚至是我的一生都有著深遠的影響。」

{{hket:inline-image name="48e837eely1fc5l6y8id9j21xn1xn1l2.jpg"}}{{/hket:inline-image}}

(胡歌父母,胡歌微博)

而呢份永不放棄、積極樂觀嘅精神亦深深影響到胡歌。事關胡歌嘅演藝之路並非一帆風順，早年拍攝新版《射鵰英雄傳》時，佢喺上海遇上嚴重車禍，同車女助理死亡，司機則重傷，而胡歌就慘遭毁容，右臉、右眼和右頸傷勢超嚴重。佢更要接受長達6個半小時手術，面同頸縫合過百針，過程稱得上痛不欲生。後來佢更停工一年，進行數十次植皮、鼻骨矯正和疤痕修復整容手術，嗰段時間真係好難捱，毀容對一個明星而言實在係重大打擊，相信胡歌正正係諗住母親對自己嘅教育，不論身處何等苦難之中，都保持樂觀正面，先可以捱過一切手術，浴火重生。後來胡歌一復岀拍劇就爆紅，真係正如金庸為胡歌題字咁講：「度過大難，將有大成；繼續努力，終成大器」呀！

{{hket:inline-image name="48e837eejw1etuozgsej4j20qo0qo7c0.jpg"}}{{/hket:inline-image}}

(胡歌微博)

胡歌雖然好少喺社交網絡擺同媽媽嘅合照，不過上節目提到媽媽時，總係非常開心，睇得岀佢同媽咪關係親密。胡歌上內地清談節目《魯豫有約》，講到媽媽最想佢快啲成家立室：「她身邊的朋友都成爺爺奶奶了，她跟我說，你工作忙就把孩子送到我們家，我幫你照顧。」現在呢個願望，媽媽亦未見證到，真係好遺憾⋯希望胡媽媽喺另一個世界一切安好！

{{hket:inline-image name="uyyyyyyyyyyyyyy.jpg"}}{{/hket:inline-image}}

（影片截圖)