許家傑嫲嫲暈倒急送院 心痛：「屋企人最緊要」

許家傑近日憑TVB處境劇《愛回家之開心速遞》「送水輝」一角人氣急升，劇入面佢係愛錫兒子嘅單親好爸爸，現實裡許家傑亦是孝順仔、好男人。近日許家傑嫲嫲因意外入院，搞到佢勁擔心，尋日仲上傳咗張同嫲嫲溫馨拖手照到社交網絡，同大家報平安，嫲嫲而家好返好多喇！

{{hket:inline-image name="23421801_2047491825487536_7331739629332201472_n.jpg"}}{{/hket:inline-image}}

(孝順仔早前為嫲嫲慶祝生日,許家傑IG)

佢話：「嫲嫲因意外入院，真係好多謝醫院既所有工友，見到佢地面對排山倒海嘅工作量及壓力，服務態度仍然非常好。如果同長者一齊住真係份外留神！之前嫲嫲試過血糖低而突然暈倒，其實只要每天幫他做一個簡單的身體檢查就可以避免意外。」最後許家傑好感慨地講：「多謝個天仍然畀機會我去學習、珍惜」。

{{hket:inline-image name="57298010_280115756215916_245423147374738315_n.jpg"}}{{/hket:inline-image}}

(許家傑IG)

許家傑接受晴報訪問時，語氣仲有啲沉重，似乎仲好擔心嫲嫲嘅身體：「多謝大家關心！由細到大都係嫲嫲照顧我，一路都係同佢一齊住，所以我哋感情特別好。其實嫲嫲精神一直唔錯，不過今次整親之後，我都幾明顯感覺到佢老咗，所以個一刻⋯⋯」講到一半許家傑歎咗一口氣：「其實搵幾多錢都無用，屋企人先係最緊要！」希望許家傑嘅嫲嫲可以快啲好番啦！成班網友都好窩心，喺佢IG下面留言，為兩嫲孫打氣：「祝嫲嫲早日康復，身體健康！」、「幾忙都要陪多啲屋企人」、「傑仔你真係一個好乖孫」。

{{hket:inline-image name="50827422_2279309005424182_5373901494229818257_n.jpg"}}{{/hket:inline-image}}

(即使身邊世事再毫無道理,與你永遠亦連在一起~許家傑IG)

許家傑同嫲嫲感情真係好好，不時同佢甜蜜合照，佢又會陪嫲嫲周圍去，幾忙都陪佢飲茶，陪伴對親人就係最好嘅禮物。許家傑仲講過做到「送水輝」呢個角色，最開心係可以畀嫲嫲見到佢喺電視岀現：「我嫲嫲終於見到佢個孫做戲，因為佢比較早瞓，之前我啲劇都晏啲播，佢未睇過，成日問點解唔見我，依家佢終於睇電視見到我喇！呢樣係最高興嘅事。」

{{hket:inline-image name="44589489_354713665091016_1030776239277708815_n.jpg"}}{{/hket:inline-image}}

(許家傑一得閒就陪嫲嫲飲茶,許家傑IG)