【田雞是否分兩種】肥媽一張舊相惹恥笑 網民狂數瘀爆往事

肥媽和陸浩明的飲食節目《食好D食平D》終於開到第8輯，雖然今次肥媽講到明會加入不少健康元素，製作了足足30集，不過昨晚播完第2集時，不少觀眾就吐槽貨不對版、名不副實。明明今輯《食平D》強調食物本身沒有添加劑，色素，但肥媽在烹調過程中卻大量加入贊助商的醬料，一班觀眾都話好有衝動想去廣管局投訴節目。

除此之外，網民昨晚瘋傳肥媽一張2013年《食平D》第1輯的節目截圖。只見肥媽同陸浩明去到荃灣街市買田雞，問老闆：「田雞係咪分兩種？」，當時老闆一句秒殺：「有分公同乸！」搞到網民都紛紛寸爆肥媽明知故問，又懷疑她發問之前沒有三思過：「唔講真係唔知，我今晚真係學咗好多嘢，長知識了」、「好高質嘅廢話，肥媽嘅高智商簡直為人類文明推進一大步」；另外亦有網民用同樣格式做句，組成廢話合集：「呢個世界分兩種人，叻人同蠢人」、「煮嘢食有分兩種，熟同唔熟」、「買法拉利有兩種人，有錢買同冇錢買」等，認真笑爆咀。其實呢位老闆好風趣，因為後來肥媽話：「幫我揀幾隻肥啲嘅田雞！」，老闆即說：「好！揀隻好似你咁肥嘅！」，搞到肥媽笑不攏嘴。

{{hket:inline-image name="14.jpg"}}{{/hket:inline-image}}

其實要講返肥媽瘀爆往事，又點只這件事呢？

1. 亂教人返大陸食魚生易生蟲

講到最轟動的新聞，非肥媽教大家到大灣區誤食魚生莫屬。話說肥媽曾經帶同兩位女主持黃美棋、林伊麗到佛山食河鮮，介紹當地食店的招牌鯇魚魚生，眾人唔止大飽口福，仲不斷狂讚好好味，節目出街後惹來唔少回響。食安中心同衞生署急急於facebook呼籲市民切勿進食生或未徹底煮熟的淡水魚，因為在一般環境下飼養的淡水魚，（例如鯇魚及大頭魚）可能有中華肝吸蟲，會造成膽管梗阻、肝硬化和引致膽管癌，酒、醋、日式芥辣、黃芥辣及香料均不能殺死寄生蟲。不過對於政府部門的指責，肥媽就話睇住佢哋養，自己有信心食，而美棋bb仲勁，竟然話食完精神爽利。

{{hket:inline-image name="11.jpg"}}{{/hket:inline-image}}

2. 亂教大肚婆食益母草會流產

肥媽試過以「孕婦滋補餐」為題，提議大肚婆吃益母草煮蛋茶。但益母草有活血去瘀功效，大肚婆服用後隨時流產。結果通訊局收到5個投訴，肥媽馬上公開道歉，解釋因為節目無資料搜集員，所以才會出此錯誤。TVB亦安排中醫師於《東張西望》分析益母草的藥效與食療，希望可以補鑊。 

{{hket:inline-image name="12.jpg"}}{{/hket:inline-image}}

3. 信錯人被誤會走數防癌會過百萬捐款

肥媽在去年10月在香港洲際酒店舉辦「最好的時代慈善晚宴2018」，邀請前特首夫人梁唐青儀，曾志偉、薛家燕等名人明星為香港防癌會籌款，籌得過百萬港元，希望協助有需要的癌症病人及其家屬，渡過抗癌難關。但活動結束後過了限期2個月，防癌會仍未收到善款，懷疑肥媽走數。後來發現善款原來由活動贊助人「尊位集團」保管，與肥媽無關。據悉連肥媽自己為尊位集團擔任代言人的費用，以及慈善晚宴當晚樂隊、化妝、工作人員薪酬，整整40多萬港元，尊位都仍未找數。肥媽話自己也是受害人，追討款項不成功，大嘆遇人不淑。如今主辦單位已拖欠香港防癌會善款逾5個月，負責人唯有要求防癌會再寬限1個月，承諾4月30日之前捐出善款。

{{hket:inline-image name="13.jpg"}}{{/hket:inline-image}}