謝賢獲「第三十八屆香港電影金像獎」頒發終身成就獎,昨日金像獎委員會發表新聞稿,宣布謝賢得獎的消息,照片更是他的招牌馬尾髮型加上黑超,82歲高齡的謝賢依然風采、有型有款。
任何時候都Keep住風度翩翩。
謝賢原名謝家鈺,由於家中排行第四,被稱呼為「四哥」,1953年考入嶺光公司演員訓練班,隨後加入迪士公司拍首部電影《樓下閂水喉》,在1960年代,他跟張沖、陳自強、陳皓、鄧光榮、秦祥林和沈殿霞組成「銀色鼠隊」,又創辦「謝氏兄弟影片公司」,為電影負責導演和編劇工作,代表電影有《難兄難弟》、《英雄本色》、《浪子佳人》、《花花公子》等,絕對是黑白片電影炙手可熱的巨星。後來謝賢轉戰電視台,分別在無綫和亞視拍過不少劇集,而電影都是玩票形式接拍或客串演出。
第一代《神鵰俠侶》(左起:謝賢、金庸、南紅)
四哥(右)與李小龍合照,同謝霆鋒好似用同一個模啤出嚟咁!
四哥(右)當年同胡楓(修哥)都係6、70年代當時得令嘅小生。
四哥同甄珍有過一段婚姻。
當年謝賢一家經常「合體出巡」。
謝賢經歷過兩段婚姻,分別跟甄珍和狄波拉結婚,狄波拉為謝賢誕下謝霆鋒和謝婷婷,後來卻於1995年離婚。直至1996年謝賢有傳因投資失利而欠下巨債,將當時只有16歲的謝霆鋒簽給英皇娛樂出道當明星,霆鋒努力10年時間,由噓聲不斷到慢慢被接受,總算捱過難關,將債務還清之餘,更逐漸得到演藝界的認同。霆鋒2011年獲得金像獎「最佳男主角」時,他哽咽說:「我18歲攞新人獎,我老竇曾經同我講過:『我喺你細細個時拍過幾百套劇、幾百套電影。』嗰晚我就同返佢講,你拍過幾百套戲,你有冇攞過金像獎,之後一個獎擺喺枱面。我知佢喺屋企睇緊電視,我唔知點解呢番說話梗喺心入面12年,我希望佢唔好似我咁放喺心12年。希望佢原諒呢個不知天高地厚、無禮貌嘅小朋友。要湊大一個咁難教嘅細路、每日要笑面迎人,你至係最佳男主角。」
Warm到爆。
霆鋒出世為謝賢與狄波拉帶來無限喜悅。
謝賢與霆鋒父子關係愈來愈好,霆鋒投資有道成為過億身家富翁,他不時會送車又送樓給爸爸養老,而且經常下廚為家人準備美食,在內地節目《鋒味》入面,兩父子真情對話更是打動人心,難怪不少人認為謝賢的最大終身成就就是生下了謝霆鋒。
左起:狄波拉、霆鋒與謝賢
謝賢嘅基因非常強大。
有一對孝順嘅仔女都勝過一切「成就」啦!