家人港鐵暈倒需輪椅運送 搭升降機冇人讓 港男怒斥：冇血性！

讓座問題一直備受爭議，至於港鐵升降機的優先使用權問題，大家又有否想過？一名男網民在網上討論區「連登」發帖，指家人昨早搭港鐵上班途中不適暈倒，需以輪椅運送離開。當港鐵職員幫忙推輪椅，準備搭升降機離開月台時，升降機內的乘客竟然全部無動於衷，無人讓位。對此，他感到十分心寒，不禁怒斥該些乘客「冇血性」。

升降機內所有人無動於衷

樓主以「你地班X樣係咪已經冇哂血性？」為題發貼，指其姐姐昨早9時在油麻地站暈倒後，他立即通知港鐵職員，並由職員幫忙推輪椅上大堂，然後再叫救護車。然而，當輪椅被推至升降機門前時，職員先要求裏面的乘客讓位但不果，

職員hold住左部𨋢，叫入面嘅人麻煩出一出黎畀病人入先。但所有人竟然無動於衷，冇人讓位畀架輪椅。𨋢入面嘅人，有啲就玩手機，有啲就傾偈，最令我心寒嘅係有幾個人木口木面咁望住坐係輪椅的病人。

樓主：好心寒好恐怖

當他看到該些乘客無動於衷後頓時火起，「果一刻我真係忍唔住，指住班X樣X佢地冇血性，先走咗幾個人出嚟，啱啱好放入架輪椅同推輪椅嘅港鐵姐姐。我連𨋢都入唔到，要跑咗去扶手梯，急急腳匯(會)合我屋企人。」最後，樓主激動地指，如果該班乘客看到此則帖文，「好好反省下你哋嘅行為對人類社會有冇益……真係好X心寒，好X恐怖。」

網民：香港人已成返工機器

對此，不少網民慨嘆香港人已變成「返工機器」，若有任何阻延即會「黑面」發脾氣，「香港人係咁架啦。血性？香港只有錢性」、「幾時開始變得無人性，覺得返工等於一切，勝過人？」。同時，亦有網民指出，港鐵升降機有寫明是讓有需要人士優先使用，「不嬲都係拖喼、推bb車、殘疾人士優先使用㗎啦」。另有網民建議，港鐵應要改善冷氣及通風系統，「剩係咁樣已經唔使要咩醫療站啦」。