應采兒大爆第一次拍拖去⋯ 「嗰時覺得陳小春好孤寒！」

陳小春同應采兒2010年結婚，唔經唔覺已經九年，不過兩公婆仍然恩愛如昔。原來佢哋連婚紗相都足足影過四次咁多！日前，應采兒就喺社交網站上分享咗一輯結婚相，佢分別著上白色婚紗及中性西裝，臉上流露出幸福嘅笑容，真係Sweet到不得了。不過講到最特別，一定係當年佢哋結婚時影嗰輯結婚相。向來貪玩嘅應采兒同陳小春唔單止一齊著住軍裝，仲大擺搞怪甫士，非常過癮，完全顛覆咗陳小春嘅「山雞」形象。

{{hket:inline-image name="Pbu101337-02_img_885_590.jpg"}}{{/hket:inline-image}}

{{hket:inline-image name="233333.jpg"}}{{/hket:inline-image}}

兩人相差16歲，性格完全不同，兩人由拍拖到結婚，一直都不被外界看好，但佢哋一於少理，仲不時高調放閃，真係羨煞旁人。不過，唔講唔知，原來應采兒初初同陳小春拍拖時，對佢嘅印象亦不太好。佢曾經喺節目上大爆兩人首次約會嘅經過，應采兒指第一次同陳小春約會嘅地方，係喺一間食牛腩嘅餐廳，仲要同人搭枱，完全傾唔到偈，結果最後食咗15分鐘就離開。應采兒表示嗰陣覺得陳小春好孤寒，但後來先發現，原來佢嘅世界就只有茶餐廳同打邊爐。而陳小春聽到後亦有為自己「平反」，表示呢啲係香港Style，搞到應采兒哭笑不得。假若兩人將來再影婚紗相，會唔會考慮去返呢間牛腩店取景呢？

{{hket:inline-image name="1123.jpg"}}{{/hket:inline-image}}

(影片截圖)

{{hket:inline-image name="4ab6c391jw1f0y5xzjjuoj21120kuwij.jpg"}}{{/hket:inline-image}}