愛心男餵石硤尾流浪貓 幾經波折收編2浪浪入屋

街上的浪浪眾多，幸好有不少愛心人士會自發餵浪浪，有些動物義工更會為牠們絕育，甚至捕捉後為牠們尋家領養，改變浪浪的一生。這次的愛貓男曾先生，雖然之前從未養過寵物，但於去年開始留意流浪動物，去年11月開始於石硤尾定期餵浪浪，不出一個月竟在餵貓期間遇劫，令他更覺「浪浪很危險」，花了數月捕捉貓咪，其後又走失，最後上月才順利收編兩隻浪浪，小黑和小金入屋。

{{hket:inline-image name="0329skm1.jpg"}}{{/hket:inline-image}}

曾先生受訪時指，去年十一月頭，跟朋友去南山邨吃飯後後經過公園，遇到細小又孤單的小黑，當時未見附近有其他貓，又見天氣開始轉涼，就買了貓糧餵牠，開始習慣每晚也去探探小黑和餵食，「其實一開頭冇打算收養，因為知道父母都唔喜歡小動物！」當中最重要的轉折點，可說是去年11月20日，他跟女友餵飼時，女友一度因事走開，突然有約10名青年將曾先生包圍拳打腳踢，並搶走其價值約9,000元的iPhone 8手機及一副眼鏡後逃去，「當時我諗，我冇得罪佢地都比人打，都唔知流浪貓每日承受住啲咩風險」，遂決定不理父母反對也要收編！

隨後曾生發現小黑進食後總是會留有一半，然後不離開，好像在等其同伴，「我哋覺得好奇怪，最後發現原來有另一隻貓咪（小金），但佢太細膽，唔肯出嚟，就算我放啲嘢食喺佢面前佢都唔肯食」遂決定嘗試兩隻一同收編。曾先生指捕捉亦有難度，「因為佢兩隻都難捉，又怕捉一隻，另一隻見到會驚，唯有日日去，等熟啲再帶走佢哋。」最後他開始用籠餵食，於一月尾時成功等小黑在籠內進食時關籠帶走，即日帶他到獸醫診所檢查，未知當時小黑是否受驚而在診所逃脫，幸好之後成功尋回。

{{hket:inline-image name="0329skm5.jpg"}}{{/hket:inline-image}}

隨後他亦繼續天天去餵小金，於本月中成功捕捉小金，一同帶回家中收編，「一開頭小黑返到屋企好惡死！將貓砂整到成地都係！不過三月中小金返屋企之後，三日就出籠，因為佢地太好朋友，要一齊玩，一齊瞓。」獸醫估計小黑和小金約一歲，貓女，身體健康，之後會再帶牠們絕育。

{{hket:inline-image name="0329skm6.jpg"}}{{/hket:inline-image}}

{{hket:inline-image name="0329skm7.jpg"}}{{/hket:inline-image}}

對於初次領養兩隻浪浪，當上貓奴的滋味，曾先生表示「好忙」，「好多嘢要學同做！不過都開心，最開心係父母會諗點樣令窗網整得更好，令貓咪生活更舒適！」他指現在兩隻貓咪已經不怕在房內活動，也開始會撤嬌，只是還未肯踏出客廳與其他家人相處，希望小黑和小金快點融入家中吧！

{{hket:inline-image name="0329skm3.jpg"}}{{/hket:inline-image}}

{{hket:inline-image name="0329skm2.jpg"}}{{/hket:inline-image}}

相片及資料來源：受訪者提供