金燕玲哭訴化療之苦 骨痛如針刺：生不如死

月初於電台訪問時大爆患上子宮癌嘅金燕玲，昨日再次去到蘇施黃主持嘅電台節目《大玩派》做嘉賓。戴住漁夫帽嘅金燕玲已經完成第二次化療，佢表示：「我好好。」蘇施黃指因為金燕玲光頭，所以戴帽。金燕玲指，因為做完首次化療後，已經開始狂甩頭髮：「甩得好緊要，當日上嚟我用咗噴髮膠Gel住，不過第二日想出街，一洗頭就好得人驚，甩咗三大堆，成個浴缸都係頭髮，抺頭嘅時候已經開始有啲窿，好似地中海咁，我以為自己可以捱到第二次化療。」

{{hket:inline-image name="55557159_2088931031227999_2755347543314399232_n.jpg"}}{{/hket:inline-image}}

(蘇施黃FB)

後來佢指雖早已有心理準備，但到真正面對呢件事嘅時候，心情不太好受：「個心好唔舒服，我唔可以話你聽係一件好舒服嘅事。」然後忍不住哽咽，佢話頭髮對女人好重要，因為化療甩頭髮令佢好似生癩痢頭咁，於是決定剃光頭髮。去到髮型屋，髮型師原本擔心佢接受唔到，所以只將頭髮剪到好短，後來金燕玲非常決絕地向髮型師表示：直接剃光頭。佢指當時冇喊，不過剃光頭髮後，喺鏡中見到嘅自己，感覺好陌生，但光頭總比甩頭髮好，覺得乾淨好多。佢又表示頭髮會生返出嚟，依家過咗三個星期，已經開始生返半吋長嘅頭髮，但為免喺街上引人注目，所以只好戴帽或頭巾示人。

{{hket:inline-image name="72.jpeg"}}{{/hket:inline-image}}

化療除咗令金燕玲狂甩頭髮外，亦令佢骨痛。金燕玲表示全身骨頭都好似俾針刺咁痛，只要一掂到佢嘅皮膚，已經痛到頂唔順，佢形容為「生不如死」。佢亦指呢個癩係一場漫長嘅戰爭，依家正在一步步慢慢接受中。而喺訪問直播中，更有唔少網民亦有留言為佢打氣，非常窩心。