中女食飯偶遇「孤寒」00後 嘆時代唔同AA制掀世代爭議

情侶食飯該「AA制」一人一半還是由男方負責買單，相信這會是永遠存在於男女關係之中的議題。一位「中女」日前分享指，現今年輕情侶不但愛奉行「AA制」，且不愛分享食物，在外人眼中顯得關係疏離，「似飯腳多過情侶」，吸引網民留言，更掀起一場世代、男女之爭。

00後各有各食兼AA制 版主稱「似酒肉朋友多過情侶」

主要分享「中女」生活點滴的Facebook專頁「中女講呢啲」日前發文，指日前到餐廳用膳時，被旁邊一對00後情侶的對話吸引住，

女友：炸雞扒鮮茄湯意，要微辣，飲凍奶茶少甜
侍應：晚飯冇套餐，另加嘢飲要正價OK？
女友：（猶豫2秒）哦～咁我唔要嘢飲住喇
男友：我要個豬扒鮮茄湯螺絲通粉，小辣吖
侍應：加嘢飲？
男友：（毫無猶豫）凍檸茶吖

事主指女方明顯嫌貴而未點飲品，惟用餐時男方完全未有分享飲品之意。至結帳時女方亦相當「精打細算」，提醒男方記得轉賬以攤分費用。版主形容「如果唔係著情侶鞋+情侶紋身，我仲以為佢哋係普通酒肉朋友」。

記念日洗費照樣平分 90後男掏信用卡只為儲里數

事主再分享發生在其表妹身上的個案，指表妹屬90後，與男友外出娛樂吃飯全部奉行AA制，即使在拍拖周年記念日亦不例外。事主更稱表妹曾看中心儀手袋，結帳時男友自動掏出信用卡付款，豈料原來男方並非有意送禮，只是覬覦簽卡里數，更著女方「一陣畀返CASH我啦」，令女友好哭不得，事主主亦輕嘆謂「時代真係唔同喇」。

「AA大辯論」掀世代之爭

對於「AA制」，事主並未表態支持或反對，不過留言網民就明顯分成兩方，各持己見爭論不下。

支持方

「彼此都有工作仲要薪酬相當，點解仲要個男人包養自己」

「唔覺得AA有咩問題...我老婆都唔知幾中意，買野各買各月尾唔好怨」

「普遍華裔女性總有100個理由要男人畀錢」

「如果男女都搵咁多錢點解要個男嘅畀？」

「平時又話男女平等，到畀錢時先扮小女人？」

反對方

「恕我老餅，我都係鍾意有擔當有膊頭嘅大男人多啲」

「呢啲咁嘅男人，寧願單身一世」

「如果認老餅可以唔使AA，我寧願認老」

「呢代男仔無晒風度，好小家」

「如果男人真正愛你，就算你唔出聲都會買個袋畀你」