鄧萃雯為家暴事件發聲 「別以為忍受就是愛」

日前，鄧萃雯喺微博轉發咗一篇內地嘅家暴新聞，並留言指：「千萬別以為忍受就是愛，你越包容罪行不愛惜自己，對方也越不會愛你」，獲得不少網友大讚。雖然鄧萃雯目前仍然單身，但其實佢亦有一套屬於自己嘅戀愛觀，仲自稱為「正能量的快樂單身女子」。

{{hket:inline-image name="90f92fddly1fv5xt2wpijj21cc1sg1kz.jpg"}}{{/hket:inline-image}}

鄧萃雯轉發咗「人民日報」微博嘅一篇報導，一位女士喺車上哭訴被老公家暴，而坐喺隔離嘅男人則一直用力捉住女士手腕，而且拒絕配合交通警嘅要求，最後被交通警以催淚噴射劑制服。鄧萃雯就此事分享了一段感受：「被家暴的人只要你願意妥協，你便會繼續被家暴；向人施行家暴的通常不覺得自己做錯事或在犯法，所以你必須報警讓他知道，他才有可能改過自新。千萬別以為忍受就是愛，你越包容罪行不愛惜自己，對方也越不會愛你。這民警做得好」，提醒各位若果遭到家暴，絕對不能容忍。

{{hket:inline-image name="221.jpg"}}{{/hket:inline-image}}

其實鄧萃雯自小家庭離異，一直居住於祖父母家中。佢曾經提過，因為父母離婚，而令到自己細個喺學校遭受歧視，於是試過向父母發洩，表達心中怒憤。由於小時候缺乏安全感，又冇人可以依靠，因此鄧萃雯經常覺得自己「爛命一條」。53歲嘅佢，雖然仲係單身，不過就對愛情有自己嘅一套睇法。拍過幾次拖嘅鄧萃文，不論係同圈內還是圈外人拍拖，最終都係未能開花結果，而且每段感情都來得快也去得快。佢過往嘅愛情經歷，加上家庭成長環境，令佢開始對婚姻產生恐懼。另外，佢亦指，見到自己身邊嘅人結咗婚又離婚，兜兜轉轉最後又係回復單身，依種循環令到佢更加唔渴望結婚，仲話：「朋友或家人都沒有建議我一定要結婚，單身我超快樂！」

{{hket:inline-image name="50593856_1424317494372089_5668065642956346821_n.jpg"}}{{/hket:inline-image}}

(鄧萃雯IG)