唐氏男孩有團火想做救護員 媽媽鼓勵：話畀人知你努力過

10歲的唐氏男孩活潑好動，自小以做紀律部隊為夢想，當救護員救助他人，媽媽阿Yan雖知這個夢遙不可及，但一直從旁鼓勵，盼讓愛兒學會堅持、努力及付出，選擇說出一個善意的謊言：「你努力運動、操體能就會做到！」

愛參加興趣班 愛紅十字會步操

10歲兒子陳楚彥天生患唐氏綜合症，現時在特殊學校讀小學5年級，媽媽阿Yan坦言楚彥讀書成績中規中矩，但認為：「起碼佢唔抗拒返學，享受同同學相處。」她指楚彥自幼因病手腳乏力，但一向活潑好動，愛參加不同興趣班，包括現代舞、游泳、數學等，故阿Yan每逢看到興趣班招生，都會嘗試報名讓楚彥體驗一下。

{{hket:inline-image name="74.JPG"}}{{/hket:inline-image}}

有時會賴床不願起身上學的楚彥，去興趣班卻是自動自覺，「佢最鍾意去上堂，可以同朋友仔一齊玩，有時落堂都唔願返屋企，要我拉先肯走。」說著阿Yan似是甚為勞氣，但其實她樂見兒子積極好學，「成日放學返嚟就叫『媽咪媽咪，我跳舞畀你睇吖』，見佢咁開心，我自己就開心。」

不過眾多活動中，楚彥最喜歡參加紅十字會，阿Yan笑言：「因為有得著住制服返學，放學就去步操練習，佢覺得好有型。」訪問時在旁等待的楚彥，亦自行在路旁練習步操。

{{hket:inline-image name="7.jpg"}}{{/hket:inline-image}}

{{hket:inline-image name="663.JPG"}}{{/hket:inline-image}}

愛看跳躍生命線 夢想做救護員

早前電視劇《火速救兵IV》及《跳躍生命線》熱播，令楚彥每日嚷著追看，阿Yan笑言：「睇火速救兵佢就話長大想做消防員，要救火救人，睇跳躍生命線就話想做救護員！」因此阿Yan經常帶楚彥參加消防處及警署的參觀活動，但始終救護員最令他印象深刻，亦是他現時的夢想。

{{hket:inline-image name="9.jpg"}}{{/hket:inline-image}}

鼓勵兒子追夢 盼讓他學會努力

唐寶寶做救護員似乎是天方夜譚，阿Yan當然明白，但她卻選擇繼續鼓勵兒子追夢：「或者佢真係會做到第一個呢。」她藉此推動兒子學習和成長，「有時佢懶唔願郁，我一話『唔係想做救護員咩』，佢就好有動力去跑步、游水。」至於會否擔心被指「欺騙」兒子，阿Yan卻不認同：「只希望佢話畀人知自己有努力過。」她亦相信兒子日後會理解她的用意。

養兒一百歲長憂九十九，更何況是唐寶寶的媽媽，阿Yan指，唐氏家長最擔心的，都是自己離開後，唐寶寶如何生活，「我哋終有一日會走，最擔心佢唔習慣…」故阿Yan希望盡量訓練他的自理能力，「想佢唔單只照顧到自己，仲識幫到身邊嘅人！」

{{hket:inline-image name="1.jpeg"}}{{/hket:inline-image}}

撰文：黃志宏

相關文章：

唐氏男孩衝出香港赴台做義工 媽媽：唐寶寶都可以照顧人

{{hket:inline-image name="121.jpeg"}}{{/hket:inline-image}}