無首期就分手？女友母親追問幾時買樓 27歲仔：叫我放棄唔好害佢個女

香港樓價高居不下，不少年輕人沒法「上車」，加上家中面積細小，難以成家立室。有男網民在網上討論區「連登」發帖，指與女友睡前閒談時，因有感難以儲夠錢買樓結婚，「覺得自己好冇用」，而默默在女友背後流淚。對此，不少網民留言表示有同感，其中一名27歲男網民指出，他被女友母親追問幾時買樓，更要求如果買不到就自動放棄，「女友早幾日同我講，無首期，就要分手，完。」

樓主昨日以「琴晚我喺女朋友背後默默咁喊」為題發文表示，女友前晚到其家過夜，「佢背對住我，我攬住佢，好似平時咁傾偈。我同女朋友都27、28，拍咗6年拖，對話少不免會討論結婚。」他指出，與女友一直都有計劃結婚，「但香港地好現實，咩都要講錢，就算我哋有儲，都覺得好難先夠錢買樓同結婚。傾傾吓忍唔住喊，但唔敢出聲，唔敢令個身震，唔想畀佢知自己嘅壓力。」他續指，在香港生活艱難，「想畀另一半一個承諾，一個家庭，一個屋企真係好難。等到佢瞓著我先起身洗面，然後望住鏡入面嘅自己，真係覺得自己好冇用。」

{{hket:inline-image name="hk190320195.JPG"}}{{/hket:inline-image}}

除了樓主「灰爆」外，另一名27歲男網民亦留言放負。他表示，自己畢業後工作4年，現時經濟狀況：

2.9萬元月入

1.4萬元家用

1,500元強積金

1,500元還學費

3,000元午餐交通

3,000元同女友出街

1,000元交稅/做人情

6,000元儲蓄

這位網民形容：「讀書果陣覺得返工賺錢好開心，可以買到好多嘢。原來出嚟做嘢養家係咁辛苦。政府嘅學費每季準時還。稅我準時交。我對屋企每月拎家用擔起頭家。」

然而，女友母親卻經常追問他幾時買樓，「話『貧賤夫妻百事哀』，叫我自己放棄，唔好害佢個女。佢個女都27唔細，話養到個女咁大，唔會畀個女同你屋企人一齊住。女友早幾日同我講，無首期，就要分手，完。」最後，他心情沉重地稱：「今日放咗工唔想返屋企。望住維港，香港真係好靚，但我唔識得喺依個地方生存。徹底失望對自己，對女朋友。」

{{hket:inline-image name="hk190320192.JPG"}}{{/hket:inline-image}}

對此，一眾「巴打」、「絲打」紛留言表示有同感，「香港地想簡簡單單同自己鍾意嘅人結婚一齊生活，點解都咁難」、「仲要你有本都冇用，人工冇番咁上下都唔駛旨意過到壓力測試」、「居屋超入息，私樓未買得起，而家香港好似無打算照顧呢班人，出去租樓萬萬聲，剩低唔知儲幾多年先夠上車」、「睇到好心酸，加油呀巴打，同女朋友要幸福呀！」。另有網民建議，樓主可以與女友租樓，或與家人同住一陣子儲錢，「租住樓先，唔係嘅話，唔通40歲先結咩」、「如果屋企有自己房，咪係屋企住一排先，唔好比咁大壓力自己」。