「光頭仔」王嘉明仔大十八變 轉行做生意拒再剃頭

仲記得經典港產片《最佳拍檔之女皇密令》入面，飾演麥嘉兒子嘅小小光頭仔王嘉明嗎？佢不滿一歲就成為小童星，當時受到好多觀眾嘅喜愛，更被封為「港產片最可愛的光頭仔」。近日王嘉明上咗TVB嘅節目《流行經典50年》展現歌喉，仲同胡諾言合唱《最佳拍檔》嘅歌曲，頓時電影嘅回憶都湧上心頭！轉眼之間，王嘉明今年已經36歲，從當時光頭細路仔長成健碩高大嘅型男，樣貌轉變真係好大，亦長胖唔少呀！

{{hket:inline-image name="ddd.jpg"}}{{/hket:inline-image}}

（TVB電視截圖）

{{hket:inline-image name="uuu.jpg"}}{{/hket:inline-image}}

（TVB電視截圖）

{{hket:inline-image name="ggd.jpg"}}{{/hket:inline-image}}

（TVB電視截圖）

{{hket:inline-image name="20171212pun2b.jpg"}}{{/hket:inline-image}}

（《最佳拍檔之女皇密令》電影劇照，網上圖片）

{{hket:inline-image name="posts-1799-1491897306438.jpg"}}{{/hket:inline-image}}

（《最佳拍檔之女皇密令》電影劇照，網上圖片）

王嘉明唔單止演戲叻，仲係一個唱得之人，睇佢喺《流行經典50年》嘅演岀好有台型，歌聲都幾動聽！其實王嘉明從小就對音樂創作好有熱誠，細細個開始自組樂隊唱歌，少年時跟過著名歌唱老師戴思聰學唱歌，其後經輾轉介紹比黃百鳴認識。而黃百嗚絕對係王嘉明人生入面嘅最大貴人，佢將王嘉明力捧為「東方天下」嘅超級新星，簽約無幾耐就喺黃百鳴制作嘅動作片《終極格鬥王》中演出，又擔任《如來神掌》電影版嘅男主角龍戈兒，當時連電影主題曲都係佢唱架，睇得岀嗰時黃百嗚真係好重視同欣賞佢。

{{hket:inline-image name="as.jpg"}}{{/hket:inline-image}}

（TVB電視截圖）

不過王嘉明近年亦好少係幕前岀現，原來喺專心發展生意，而見到佢難免會諗起經典光頭造型，主持人家燕姐問佢有無興趣岀再演《最佳拍檔》嘅績集客串下，佢好風趣咁答：「當然有興趣，但最重要係唔駛再剃光頭，而家年紀大，我怕啲頭髮再剃生唔岀⋯」