經歷情傷兼喪父之痛 「姑姑」李若彤一度患抑鬱想自殺

日前，李若彤喺社交網站上分享咗一張自拍照，指：「做運動和吃朱古力一樣棒！感謝體內的安多酚和多巴胺！ ​​​​」引來唔少網民大讚「姑姑永遠都咁有活力」、「容顏和身材都超級棒」、「快樂的女神」，見到姑姑依家生活愉快，大家都替佢高興，皆因佢曾經被情緒病困擾，更一度想過自殺。

{{hket:inline-image name="006YbnaTgy1g0t8jlpjxnj30u0140dko.jpg"}}{{/hket:inline-image}}

李若彤唔單止好似小龍女一樣咁有仙氣，仲對愛情癡心情長，不過下場就比小龍女更加曲折。1998年，佢認識咗一位比佢年長約10年，中年離異嘅商人，兩人後來發展成情侶。拍拖1年後，男友生意失敗，要入稟申請將公司清盤。李若彤為咗男友，於是北上拍劇賺錢，與男友同甘共苦，最後幫佢還清債務。2004年，喺李若彤事業如日中天嘅時候，男友突然要求佢退出娛樂圈，李若彤順應男友意願，因此推掉所有工作，幫男友照顧佢嘅囡囡。李若彤後來喺訪問中表示，因為男友唔鍾意佢做演員：「我很傳統，覺得出嫁從夫，所以應聽男朋友話，男朋友開心、快樂，比自己感受更重要。」

{{hket:inline-image name="323.jpeg"}}{{/hket:inline-image}}

（電視截圖）

多年來，李若彤一直為男友默默付出，更認為兩個人相愛就應該要不離不棄，對方成功時不沾光，對方失敗時不抱怨。可惜，勢估唔到喺2008年，男友竟然同佢提出分手，情深卻只空餘恨。事隔兩年，本來已飽受情傷嘅李若彤，更面對喪父之痛，雙重打擊令佢患上抑鬱症，一度想自殺。李若彤指呢段日子係佢人生中最黑暗，不過幸好當時妹妹生咗個女，向來好鍾意小朋友嘅佢會經常帶外甥女周圍去玩。外甥女嘅出現可以話係拯救咗李若彤，令佢重拾生活樂趣，走出陰霾。

{{hket:inline-image name="006YbnaTgy1foi2ziypchj30qo0zkdjt.jpg"}}{{/hket:inline-image}}