露營大媽作勢棍打欲趕牛 情侶力阻：地方唔屬於你哋

香港有不少郊野牛牛，行山及露營人士普遍都可與牠們和平共處。但有女網民周三（6日）在Facebook上傳短片，指與男友去露營時發現有兩名大媽拉長行山杖後，便走過去數隻正在靜靜吃草的牛隻旁邊，作勢打牠們。她與男友立即勸阻，但大媽未有收斂，更聲稱自己並非要打牛，而是要趕走牠們。對此，女網民表示，其實地方並不屬於大媽，「如果接受唔到和其他動物共享，倒不如自己困返自己喺屋企！」

{{hket:inline-image name="cow080320194.jpg"}}{{/hket:inline-image}}

女網民憶述事發經過，指出牛隻本來安安靜靜地吃草，「其實牛同佢哋個營距離大約都有150米，但兩個大媽就鬼鬼祟祟行去啲牛隔離。我一直觀察佢哋，見到佢將自己支行山棍拉長、開始有動作想打佢哋。」她見狀後，立即出聲質問大媽：「你喺度做乜？啲牛冇搞你、你就唔好過去打佢哋！」

{{hket:inline-image name="cow080320191.jpg"}}{{/hket:inline-image}}

未料，大媽立即大聲反擊，指自己並非要打牛，「男朋友睇唔過眼就開聲同佢講： 其實我朋友嘅意思係牛冇搞你地、你哋就唔好過去撩佢哋打佢哋。大媽再大大聲講：我唔係打佢哋、你地放心，但我要趕走佢哋！之後我就影低佢哋（大媽），拍咗以上嘅片。」

{{hket:inline-image name="cow080320194.jpg"}}{{/hket:inline-image}}

女網民續指，自己將影片放上網絡公開，目的並非要公審大媽，「我係要佢哋知道：地球唔係屬於佢哋架，草地牛牛都有權分享！自己就霸晒人哋嘅地方自己Enjoy，將牛趕盡！佢有佢食草、我地有我地欣賞佢食草、去郊外係睇呢啲㗎啦，如果接受唔到和其他動物共享，倒不如自己困返自己喺屋企！」

{{hket:inline-image name="cow0803201910.jpg"}}{{/hket:inline-image}}

對此，不少網民大讚樓主及其男友的做法，「做得好！」、「講得好，抵鬧她」；同時，亦有不少人認為涉事大媽有問題，「如果隻牛嚇親反擊，仲會間接害埋其他人」、「牛又冇犯佢，做乜搞人」、「嗰度不嬲係牛牛地方，人類去玩去露營牛牛都冇反對，就唔好得寸進尺去搞啲牛！」、「點解d人咁無情，牛都要趕，真係令人憤怒」。

以下為樓主公開的片段：

{{hket:facebook-video id="10156604603703113"}}{{/hket:facebook-video}}