《無頭東宮》夠晒經典！ 網民要求向海嵐再拍劇

久未露面嘅向海嵐，日前登上電視節目《流行經典50年》獻唱，估到佢除咗樣靚，演技好之外，原來仲係唱得之人！一首《夢醒時分》聽得觀眾如痴如醉，網民唔止大讚好聽，仲話好懷念佢過往出演嘅劇集，希望佢可以快啲返TVB拍劇。

{{hket:inline-image name="673b3f5bgy1g0nj3fk8pcj21vb2hq4qq.jpg"}}{{/hket:inline-image}}

{{hket:inline-image name="22222.jpg"}}{{/hket:inline-image}}

（TVB電視截圖）

港姐出身嘅向海嵐，喺TVB拍過逾廿套劇集，不過佢喺2008年突然離開TVB，轉往內地從事公關工作。想當年，向海嵐真係拍過唔少好劇，以下幾套更加係深入民心，一齊重溫下。

1 《刑事偵緝檔案IV》

依套係向海嵐入行後第一套接拍嘅電視劇，當年只得25歲嘅佢，喺劇中飾演古天樂女朋友梁芊芊。

{{hket:inline-image name="24.jpg"}}{{/hket:inline-image}}

（TVB電視截圖）

2 《楊貴妃》

《楊貴妃》係向海嵐首套擔任女主角嘅戲，當時向海嵐飾演嘅楊貴妃仲受到唔少爭議，更被人稱為「史上最醜楊貴妃」，呢個角色令觀眾對佢留下深刻印象。

{{hket:inline-image name="20180727201514_3_640.jpg"}}{{/hket:inline-image}}

（TVB電視截圖）

3 《無頭東宮》

呢套真係不得不提！2002年播出嘅《無頭東宮》，絕對係向海嵐嘅代表作。喺劇中，佢為咗一己私慾，同好姊妹換臉，為咗保住靳妃之位，壞事做盡，奸到不得了。多年來，即使TVB重播幾多次，網民嘅反應都非常熱烈，睇極都唔厭呀！

{{hket:inline-image name="1112000.jpg"}}{{/hket:inline-image}}

（TVB電視截圖）

4 《胭脂水粉》

因當年TVB見向海嵐喺《無頭東宮》飾演嘅奸角，大受歡迎，於是食住個勢，畀向海嵐再次挑戰奸角。喺2005年嘅《胭脂水粉》中，向海嵐飾演宋雲裳，一樣係奸到出汁，為咗復仇搞到滿城風雨。當年佢仲憑住呢個角色奪得由讀者投票選出嘅《TVB周刊最強者氣大獎》「最強者氣奸人王」。

{{hket:inline-image name="11123.jpg"}}{{/hket:inline-image}}

（TVB電視截圖）