童年慘遭摯親出賣 陳松伶與家人斷交20年後和好團圓

繼《全職沒女》後，陳松伶（松松）事隔兩年再次擔任女主角。今次喺無綫新劇《福爾摩師奶》中，佢飾演一位喺貧窮家庭長大嘅女仔，目標係要走入上流社會，然後脫貧。而現實生活中，松松嘅童年亦非常坎坷，除咗經常遭家暴，仲同屋企人斷絕來往20年。

{{hket:inline-image name="9e7fac3cly1g002g3lg1lj20ug0u0e6v.jpg"}}{{/hket:inline-image}}

松松細個經常被母親打罵，佢曾於歌唱比賽中獲得冠軍，有傳當時陳母已想佢成為明星䁠錢養家，但松松覺得自己唔適合呢行，於是十分抗拒。直至後來，陳母更加迫佢放棄學業，全身投入娛樂圈賺錢，松松喺心灰意冷之下決定離家出走，與家人斷絕來往20年。松松搬到契媽家中生活，與兩個契家姐情同姊妹，契家姐更成為了松松的助手，陪佢四出工作。一直以來，松松都視佢哋為最親，亦非常信任佢哋，仲將唱歌拍戲所賺到嘅收入全數交給他們，一家人共用。可惜，2005年，松松突然被趕出家門，所有血汗錢化為烏有，當時身無分文嘅佢，只帶著內衣褲離開。

{{hket:inline-image name="9e7fac3cgw1f99bjy95qbj20vd0ktn30_462021730590ad87194cbb.jpg"}}{{/hket:inline-image}}

感情被出賣，突然失去依靠，慶幸松松喺呢個時候遇上陳淑芬。當年陳淑芬知道松松三餐不保，即刻向張學友推薦松松，然後跟住《雪狼湖》團隊穿州過省演出。松松：「全程我只係一個背囊、一對舒服嘅鞋，唔會特別打理自己，做返一個普通人，有時坐火車，真係會寂寞到喊。」突如其來嘅轉變，一時三刻的確難以適應。

{{hket:inline-image name="9e7fac3cgw1f5uz9tb6amj21kw2dc1kx_857709997590ad90da3f00.jpg"}}{{/hket:inline-image}}

直至多年後，松松喺街上重遇妹妹，「有次行行吓街，有個女仔埋嚟問『你認唔認得我？』我以為係fans，但突然望到佢個樣同我好似，尤其嘴同鼻，認得出係我妹妹，於是我問佢『你係咪我個妹媚媚？』」相隔多年，就係因為一次偶遇，促使松松與家人重聚。松松仲話依家同家人關係好親密，就算同佢哋分隔兩地，都會不時打電話畀佢哋分享近況。雖然童年並不愉快，但最後能夠與家人冰釋前嫌，一家團聚，總算是「大團圓結局」！

{{hket:inline-image name="TUNGSTAR6086746.jpg"}}{{/hket:inline-image}}