「浩南哥」重情重義 伊健曾出手關照窮爆黎諾懿

鄭伊健昨晚舉行首場紅館演唱會《ALONG WITH EKIN LIVE CONCERT 2019》，獲得不少藝人朋友到場支持，當中黎諾懿亦是座上客之一。唔講唔知，原來鄭伊健同黎諾懿唔止係好兄弟咁簡單，佢哋仲有段好深厚嘅感情。

{{hket:inline-image name="33.jpg"}}{{/hket:inline-image}}

憑住《愛‧回家》中飾演馬壯一角，而人氣急升嘅黎諾懿，其實入行以來並非一帆風順，試過窮到要住過劏房，甚至食麵包度日。佢曾經喺訪問中重提過呢段辛酸史，仲特別多謝好兄弟鄭伊健當年出手相助，更爆出兩人之間嘅一個秘密。黎諾懿﹕「我要透露一個秘密，喺我最霉嘅時候，伊健叫我去佢屋企揀衫，因為佢好多衫都只係著過一次，著完就會送俾我。」鄭伊健為咗令黎諾懿唔好覺得有負擔，仲話：「過嚟揀喇！啲衫我都唔要，淨係喺大陸著過，你喺香港著應該冇人會發覺嘅。」除此之外，鄭伊健仲同相熟導演介紹黎諾懿拍戲。呢位好兄弟果然有情有義，認真唔話得，難怪黎諾懿視佢為大恩人。

{{hket:inline-image name="TUNGSTAR458920.jpg"}}{{/hket:inline-image}}