阿姐搭巴士長期打橫瞓 網民：人無恥便無敵！

在巴士大聲講電話、放腳到對面座位、剪指甲等都是沒公德心的行為，而這亦是常識吧。有女網民昨日在Facebook群組「Fanling 粉嶺」發貼鬧爆一名女乘客，指她除了排隊打尖外，更長期橫躺於巴士尾排座位上，引來一眾網民熱議。

樓主表示，事發於昨晚8時45分左右，當時她正乘搭一班由聯和墟總站開出，往藍田行駛的277X巴士；然而，一名中年女子卻橫躺於尾排座位上，「樓上最尾坐位，此名女子經常搭此班277X巴士往九龍方向，每次坐巴士佢經常都咁瞓，同佢講完，完全冇理，最後通知車長上嚟X佢，佢仲話冇瞓，好彩我拍咗片有證據，但之後司機走佐佢仍然將隻腳坐上坐位，簡直垃圾。」

{{hket:inline-image name="bus2102201911.jpg"}}{{/hket:inline-image}}

從樓主所拍片段顯示，該名女子神態自若，以背包作枕頭，脫鞋後便橫躺於尾排座位上玩手機。樓主當時怒斥道：「呢度係坐唔係瞓，我已經幾日見到你喺呢度，你頭先打尖我都已經冇出聲㗎喇已經。搞錯呀你，你隻腳好乾淨呀而家？你唔好扮聽唔到呀，錄緊你呀而家！你晚晚都係咁㗎搭親車，有冇搞錯呀你真係！」面對樓主的指責，該名女子仍然我行我素玩手機。

{{hket:inline-image name="bus2102201912.jpg"}}{{/hket:inline-image}}

樓主進一步留言補充，該名女子其後有反拍她，「我同佢講話拍緊佢都冇反應，車長上完嚟，佢臨落車都有影我，但我光明正大，你咪影飽佢囉！」樓主又放上多張在不同日子所拍的照片，指其中一次她特地一上車便去樓上尾排坐下，「等佢冇得咁瞓」，未料該女子「走咗去車頭照喺度攤屍」；由於今次已是第5次看到橫躺，「所以忍唔住出聲」。

{{hket:inline-image name="bus2102201914.jpg"}}{{/hket:inline-image}}

此事引來大批網民熱議，不少人認為涉事女子沒有公德心，是一名「無賴」，「不知所謂」、「下次掉咗佢對鞋」、「人無恥，便無敵」；另有網民亦指曾見過她，並放上去年11月所拍的照片，而當時此事亦曾有傳媒報導。不過，有網民認為她可能是上班太累，所以先會橫躺補眠，「放生佢...大把坐椅唔阻到人...香港人有壓力…大家放輕鬆...」

{{hket:inline-image name="bus2102201920.jpg"}}{{/hket:inline-image}}