學生讓出關愛座仍被喝罵 大叔：你有冇我咁大年紀呀！

關愛座經常淪為「批鬥座」，今日再有一位學生遭殃。有市民今早乘巴士上班時，目擊一位中年漢因關愛座與學生哥起爭執，指該學生已讓出關愛座給其他乘客，卻仍被喝罵「關愛座唔係畀你坐，你有冇我咁大年紀呀？」幸正義車長看不過眼，開口反駁大叔，終成功令大叔收口。

一位市民今日於Facebook群組「巴士的事討論區」發文，指早上乘搭由觀塘坪石邨開往中環的111線巴士上班，當時車上空位只剩下近門口的關愛座，期間一位男學生上車，「眼見書包重量不輕，可能佢只坐幾個站，而當時又冇有需要嘅人要坐，他便坐下外面個位。」

直至下個車站，數名乘客與一名中年漢登車，事主指該學生已即時讓出關愛座，豈料該中年漢「依然唔放過學生」，隨即破口大罵：「呢個係關愛座，唔係比你坐，你有冇我咁大年紀呀！」

車長見狀亦同情學生慘遭辱罵，決定開腔幫忙：「個位人人都可以坐，關愛座係優先讓畀有需要嘅人，冇寫你個名，唔一定係你坐！」車長一句說話，足以即令中年漢收聲。

事主及一眾網民均對大讚車長見義勇為，形容大叔「好明顯蝦細路，好在有車長出聲」、「人哋都醒目起咗身啦，使唔使追住人哋嚟鬧啊？」、「你咁好中氣落車行路啦」。對於關愛座屢屢引起爭拗，有人建議將其取消，「（關愛座）變咗質俾啲無謂人濫用啦」。