《都市閒情》劉彩玉回帶青春時 元祖女神凍齡無難度

《流行都市》主持人劉彩玉原來已經踏入50歲大關，不過經常被網友提起，讚佢外貌同身材廿年如一日，保持得宜。彩玉主持王牌婦女節目《都市閒情》至今已經27年,雖然改名《流行都市》，但一樣是固定的主持班底，家庭觀眾日日都見到佢。前陣子她獲網友「集氣」成功，獲邀上《流行經典50年》唱出她的經典作《一對妒忌的心》，大家集體回憶統統都返來。

{{hket:inline-image name="CHOI1.jpg"}}{{/hket:inline-image}}

(圖片：電視截圖)

{{hket:inline-image name="CHOI2.jpg"}}{{/hket:inline-image}}

(圖片：電視截圖)

睇返資料，1991年初出道時的彩玉少女味十足，大有韓妹味道，事隔28年，彩玉都保養得唔錯，難怪網友都話彩玉絕對係童年時的「貼地」玉女代表之一。彩玉說：「我唔知網友讚我，我真係好開心！平時我飲食清淡，少肉多菜和少飲凍飲，同埋我好細個就開始護膚。」彩玉有個專屬嘅護膚技巧，她話：「我會不斷試新嘢，合適就繼續落去，但我又唔會用死一款，可能兩、三年又試新款，咁樣不斷接收新嘅成份。加上平時我都好少化妝出街，咁樣可能會保養都得好少少。」

{{hket:inline-image name="aca0583.jpg"}}{{/hket:inline-image}}

(網上圖片)

{{hket:inline-image name="105151462878133.jpg"}}{{/hket:inline-image}}

(網上圖片)

{{hket:inline-image name="CCHOI.jpg"}}{{/hket:inline-image}}

(網上圖片)

2000年，她跟香港壁球代表隊總教練蔡玉坤結婚，兩人個性一動一靜，彩玉愛唱歌、而蔡生則是運動員，結婚19年來他們都沒有計劃生小朋友，彩玉說：「我同老公都鍾意二人世界，雖然各有各忙，但我們喜歡周圍去食嘢，試不同的菜色，加上香港教育制度令人不太放心去生，自己又覺得未必稱職可以做到媽媽。」彩玉形容她跟老公的個性一凹一凸，正好是兩人相處最舒服的位置，彩玉說：「我老公工作好忙，我成日都好爭取同佢相處嘅時間，所以我朋友唔多，無理由老公好忙，自己就出去玩，平時我會遷就佢，盡量佢一放假就拍拖。」

{{hket:inline-image name="43559319_304507086801194_6906410005851799552_n.jpg"}}{{/hket:inline-image}}

(圖片：劉彩玉FACEBOOK)