內地女自稱聾啞行乞 快餐店內搵食設最低捐款金額

助人為快樂之本，而俗語亦有言「多多益善，少少無拘」。但有網民昨日在Facebook「西環變幻時」發貼，指自己在西環一間快餐店內遇上一名內地女子，周圍向人索取捐款，更定明金額最低30元起跳，引來一眾網民熱議。

樓主在貼文中上傳一張圖片，顯示一名女子正在快餐店內，疑似四處張望「獵食」。樓主表示，該名女子為「大陸乞丐」，手上拿著一張寫有自己來自內地、已經幾天沒吃飯的卡片，「話自己聾啞人士要30-50蚊。周圍問人攞錢！我唔係唔想俾，但是真真假假好難分！」樓主續指，該名女子「夾硬隊張卡來」，最終被她拒絕，她不禁慨嘆道：「食餐安落午餐都唔得！唔明白香港點會變成咁，奉旨大搖大擺乞食！」

{{hket:inline-image name="money190220195.jpg"}}{{/hket:inline-image}}

對此，不少網民怒斥該名行乞女子貪心，「30至50咁大貪？」、「為何指定$30-50？胃口真的養大了！」、「猖狂到入鋪頭內問人拎錢」、「佢嗰張真係『提款卡』」、「時薪分分鐘高過我哋。邊個幫我哋？」、「同佢講報警拉佢，睇佢識唔識走」。

另有網民指出，自己亦曾在銅鑼灣、油麻地、灣仔、佐敦等地遇過同類情況，甚至有人指曾有尖沙咀一間咖啡店遇過圖中女子，「我討厭欺騙人的乞丐利用聾啞人士的身分」、「最憎依啲人，成日想不努而獲，一定唔會俾」。但亦有網民提醒：「不可以因為有企圖的人，令到需要受幫助的人，變得更無助！」、「如果真心想幫佢，可以請佢食漢堡包，但唔好直接俾錢佢！」