湯鎮業奸到出汁 殘殺張慧儀激嬲網民

近日無綫劇集《荷里活有個大老千》惹來不少迴響，而日前播出嗰集，觀眾睇完就話好恐怖。事關喺劇中奸到出汁嘅文雄（湯鎮業角色），因為無法原諒百合（張慧儀角色），將佢殺死。文雄先用領帶將百合勒至半死，然後再將百合放落地下，用門重覆夾爆佢頭顱。雖然成個過程都只係影住文雄推門，未有出現血腥畫面，不過呢一幕再配合埋文雄嘅神情同聲效，都咪話唔恐怖！唔少網民睇完都大鬧文雄冷血殘忍。其實湯鎮業唔止喺《荷里活有個大老千》入面，將奸角演得出神入化。其實唔止依套電視劇，呢位老戲骨過往都演過唔少奸角，原來有原因！

{{hket:inline-image name="232.png"}}{{/hket:inline-image}}

{{hket:inline-image name="332.png"}}{{/hket:inline-image}}

(TVB電視截圖)

常演奸角嘅湯鎮業，講到最經典一定不得不提《香城浪子》。呢套可以話係湯鎮業嘅成名作。佢喺劇中飾演一名心胸狹隘嘅有錢仔，同主角黃日華從頭鬥到尾，又不斷折磨女主角，令人留下深刻印象。除咗《香城浪子》，仲有《神鵰俠侶》，《五虎將之決裂》等。不過，原來湯鎮業經常飾演奸角，係有原因。湯鎮業曾經話過自己因為「衰溝女」，所以成日畀人派去演奸角。佢話：「公司唔同意我拍拖，初頭同狄寶娜摩亞，後來同翁美玲，不過後生仔唔識諗。」 原來係公司嘅決定，不過湯鎮業演奸角演到深入民心，都可以話係奸出過未來！