無線處境喜劇《愛回家》一向深受觀眾喜愛，收視不俗，劇中多對熒幕情侶非常入屋，如大小姐和送水輝、Mandy和博士，要數讓人最又愛又恨的絕對是熊若水和龔燁這一對，多次有機會在一起但卻「臨尾香」，睇到觀眾直呼「崩潰」，而昨日龔燁若水感情線終於再有突破！
情人節當日，若水擔心無花收會尷尬，於是到花店打算訂鮮花比自己，但居然遇上龑燁。每年情人節龔燁都會派花比公司女同事，上年卻派漏若水，佢仲話今年會補番一束，講笑咁串若水唔好咁可憐自己買花，不過若水當然唔領情，仲叫龔華「食蕉」。到咗情人當日，龔華再次派漏花比若水，佢先突然醒起承諾過今年一定買花比若水，於是急急腳四處尋花。
（TVB電視截圖）
（TVB電視截圖）
龔燁為咗若水仲甘願花$3000買紥二手花，又化身採花賊，喺辦公室四處偷女同事嘅花，東偷一支西偷一支，最後湊成一個奇怪花籃。其後晚上偷偷帶若水到無人之處，送上花籃，仲sweet爆咁講：「我應承咗今年會送花㗎嘛」若水即刻甜笑，嗰樣不知幾冧，但望真啲花籃夾雜咗發霉嘅菊花同茄子，之後更發現一張黑底白字的「千古」字條，先知啲花係殯儀館偷岀嚟。若水即刻黑晒面，忍唔住嬲爆叫龔燁「死賤精」，龔燁仲夠膽死講：「今日情人節嘛，為你送上先人祝福！」明明有機會為關係再進一步，但龔燁又一次「倒自己米」。
（TVB電視截圖）
（TVB電視截圖）
（TVB電視截圖）
龔燁和若水呢對相愛又無辦法係一齊嘅人，真係好啱唱番句「只差一點點～」。其實每次都係因為龔燁先搞到佢地關係不斷後退，若水叫佢「賤精」又真係無錯。以下呢三點，相信無一個女仔會接受得到呀，亦難怪有觀眾叫若水選擇另一個追求者「曹總」，最少曹總對佢比較好。
龔燁利用若水
其中有一集講到大小姐搞緊哈爾濱設計學校project，龔燁知道若水有份負責，就係咁話要跟佢一齊去哈爾濱工幹，實際係想利用若水得知哈爾濱設計學校project嘅資料，若水得知就嬲到爆。
（TVB電視截圖）
經常爽約唔守諾言
熊若水試過係哈爾濱為咗同龔燁睇初雪，大雪下呆等一個小時，最後都等唔到佢岀現。龔燁又試過約咗若水準備表白，若水精心打扮，滿心歡喜岀現係約會地點，可惜龔燁再次爽約。
（TVB電視截圖）
永遠將若水擺最後一位
龔燁為咗事業上可以飛黃騰達，而放棄若水。當時佢被二房Jenny要求幫手，龔燁覺得發達重要啲，忍痛放棄愛情，仲直接同若水講：「我唔係一個可以擺你係第一位嘅男人」，種種行為都令若水傷透心。
（TVB電視截圖）
（TVB電視截圖）